నైరుతి బంగాళాఖాతంలోని శ్రీలంక తీరంలో ఏర్పడిన ‘దిత్వా’ తుపాను, ఉత్తర-వాయువ్య దిశగా వేగంగా కదులుతోంది. ఈ తుపాను ప్రభావంతో రాగల 24 గంటల్లో నెల్లూరు, చిత్తూరు, కడప జిల్లాలకు ఫ్లాష్‌ ఫ్లడ్‌ హెచ్చరికలు జారీ చేశారు. ఇవాళ మధ్యాహ్నం నుంచి కోస్తాంధ్ర తీరం వెంట గంటకు 50 కి.మీల వేగంతో గాలులు వీచే అవకాశం ఉన్నట్లు వాతావరణ శాఖ తెలిపింది. ప్రస్తుతం తుపాన్‌ చెన్నైకి దక్షిణంగా 430 కి.మీల దూరంలో కేంద్రీకృతమై ఉంది.