గోవా తీరానికి 70 నాటికల్ మైళ్ల దూరంలో భారత నావికాదళ జలాంతర్గామిని భారతీయ మత్స్యకార నౌక ఢీకొట్టిందని అధికారులు శుక్రవారం తెలిపారు. ప్రమాద సమయంలో ఓడలో 13 మంది ఉండగా అందులో 11 మందిని సిబ్బంది రక్షించారు. గల్లంతైన ఇద్దరు మత్య్సకారుల కోసం నౌకాదళం గాలింపు చేపట్టింది. కాగా, ఘటన జరిగిన ప్రాంతాన్ని ఆధీనంలోకి తీసుకున్న కోస్ట్‌గార్డ్‌ 6 నౌకలు, నిఘా విమానాలతో రెస్క్యూ ఆపరేషన్ చేపట్టిందని అధికారులు చెప్పారు.