తెలంగాణలో తొలి విడత పంచాయతీ ఎన్నికల నామినేషన్ల ప్రక్రియ శనివారంతో ముగియనుంది. గ్రామ స్థాయిలో ప్రజాస్వామ్యానికి పండగగా భావించే ఈ ఎన్నికలకు సంబంధించి నామినేషన్ల స్వీకరణ గురువారం ప్రారంభమైంది. తొలి 2 రోజుల్లో అభ్యర్థుల నుంచి విశేష స్పందన లభించింది. శుక్రవారం ఒక్కరోజులోనే సర్పంచ్‌ పదవులకు 4,901 నామినేషన్లు దాఖలయ్యాయి. దీంతో 2 రోజుల్లో ఈ పోస్టులకు స్థానాలకు వచ్చిన మొత్తం నామినేషన్లు 8,198కి చేరాయి.