శ్రీలంక సమీపంలో నైరుతి బంగాళాఖాతంలో కేంద్రీకృతమైన దిత్వా తుపాను ఉత్తర తమిళనాడు-పుదుచ్చేరి తీరం వైపు వేగంగా కదులుతోందని భారత వాతావరణ శాఖ తెలిపింది. దీని ప్రభావంతో తమిళనాడులోని పలు ప్రాంతాలకు శనివారం రెడ్ అలెర్ట్ జారీ చేసింది. ఈ తుపాను ప్రభావం ఏపీ, తెలంగాణ, కేరళపై కూడా ఉండనుందని చెప్పింది. కోస్తాంధ్ర, రాయలసీమల్లో భారీ నుంచి అతి భారీ వర్షాలు నమోదవుతాయని వెల్లడించింది.