దిత్వా తుపాను దక్షిణ కోస్తా తీరానికి సమీపంలోకి ఆదివారం తెల్లవారుజామున విస్తరించే అవకాశం ఉందని అమరావతి వాతావరణ కేంద్రం తెలిపింది. దీని ప్రభావంతో ఉత్తర కోస్తాలో పలుచోట్ల ఆదివారం తేలికపాటి నుంచి మోస్తరు వర్షాలు కురిసే అవకాశముంది. తుపాను దృష్ట్యా నెల్లూరు, తిరుపతి, చిత్తూరు జిల్లాలకు ఆరెంజ్‌ అలర్ట్‌, ప్రకాశం, కడప, నంద్యాల, అనంతపురం, సత్యసాయి జిల్లాలకు వాతావరణశాఖ ఎల్లో అలర్ట్‌ జారీ చేసింది.