భారత ఫాస్ట్ బౌలర్ జస్‌ప్రీత్ బుమ్రాకు దక్షిణాఫ్రికాతో నవంబర్ 30 నుంచి ప్రారంభం కానున్న మూడు మ్యాచ్‌ల వన్డే సిరీస్‌ నుంచి విశ్రాంతి ఇచ్చే అవకాశం ఉందని నివేదికలు తెలిపాయి. వర్క్‌లోడ్ మేనేజ్‌మెంట్‌లో భాగంగా ఈ నిర్ణయం తీసుకున్నట్లు పేర్కొన్నాయి. వచ్చే ఏడాది ఫిబ్రవరి, మార్చిలో టీ20 ప్రపంచకప్ జరగనుంది. అప్పటివరకు అతడిని సాధ్యమైనన్ని టీ20 మ్యాచ్‌లు ఆడించాలని మేనేజ్‌మెంట్‌ భావిస్తున్నట్లు సమాచారం.