రైతులకు బకాయిల చెల్లింపులో ఆలస్యం ఉండకూడదనే ఉద్దేశంతో తెలంగాణ ప్రభుత్వం కీలక నిర్ణయం తీసుకుంది. గత యాసంగి సీజన్‌కు సంబంధించిన పెండింగ్ ధాన్య బోనస్ డబ్బును త్వరలో రైతుల బ్యాంకు ఖాతాల్లో జమ చేయనున్నట్లు తెలిపింది. సన్న వడ్ల కొనుగోలుపై మద్దతు ధరకు అదనంగా క్వింటాలుకు రూ.500 బోనస్ ఇస్తామని హామీ ఇచ్చింది. గత యాసంగిలో ప్రభుత్వం 74 లక్షల టన్నుల ధాన్యం కొనుగోలు చేయగా 4.09 లక్షలమందికి చెల్లించాల్సి ఉంది.