శివమ్ అనే 22 ఏళ్ల యువకుడు తన పెళ్లికి ఒక రోజు ముందు జరిగిన హల్దీ వేడుకలో డ్యాన్స్ చేస్తూ గుండెపోటుతో మరణించాడు. ఉత్తరప్రదేశ్‌లోని హాథ్రస్‌లో ఈ ఘటన జరిగింది. శివమ్ తన బంధువులతో కలిసి సంతోషంగా డ్యాన్స్ చేస్తున్న వీడియో వెలుగులోకి వచ్చింది. అతను డ్యాన్స్‌ చేసి అలిసిపోయి కుర్చీలో కూర్చున్న కాసేపటికే కుప్పకూలిపోయాడు. వెంటనే అతడిని ఆస్పత్రికి తరలించగా, అప్పటికే మృతి చెందినట్లు వైద్యులు ప్రకటించారు.