కర్నూలు జిల్లా ఎమ్మిగనూరులోని కోటేకల్‌ వద్ద రెండు కార్లు ఎదురెదురుగా ఢీకొనడంతో ఐదుగురు మృతి చెందారు. మృతులను కర్ణాటకలోని కోలార్‌ జిల్లా చిన్న హోసపల్లికి చెందిన ఒకే కుటుంబ సభ్యులుగా గుర్తించారు. మృతుల్లో ఇద్దరు చిన్నారులు కూడా ఉన్నారు. వీరు రాఘవేంద్ర స్వామి దర్శనం కోసం మంత్రాలయం వెళ్తుండగా ఈ ప్రమాదం జరిగింది. ఈ ఘటనలో మరో కారులోని ఇద్దరికి తీవ్ర గాయాలవగా, వారిని ఆదోని ఆసుపత్రికి తరలించారు.