કચ્છમાં બુધવારે રાત્રે ખાવડા સહિત આસપાસના વિસ્તારોમાં 3.3ની તીવ્રતાના ભૂકંપના આંચકા અનુભવાયા. ભૂકંપનું કેન્દ્રબિંદુ ખાવડાથી આશરે 44 કિલોમીટર દૂર નોર્થ–નોર્થ વેસ્ટ (NNW) દિશામાં સ્થિત હતું. આંચકો નાનો હતો, પરંતુ નજીકના ગામોમાં હળવો કંપન અનુભવાયો હોવાનું સ્થાનિક લોકોએ જણાવ્યું છે. નિષ્ણાતોના મતે, આવા હળવા આંચકા પૃથ્વીની ટેક્ટોનિક ચાલનો સ્વાભાવિક ભાગ છે અને સામાન્ય રીતે ગંભીર નુકસાન કરતા નથી.