બ્લૂમબર્ગના એક અહેવાલ મુજબ, ચીન સરકાર બાળકના જન્મ પર માતાઓને દર વર્ષે 3,600 યુઆન/બાળક (આશરે ₹42,000) નું પ્રોત્સાહન આપવાની યોજના બનાવી રહી છે. અહેવાલ મુજબ, આ રકમ બાળક 3 વર્ષનું થાય ત્યાં સુધી આપવામાં આવશે અને આમ કુલ રકમ લગભગ ₹1.26 લાખ થશે. છેલ્લા 3 વર્ષથી ચીનમાં વસ્તી ઘટી રહી છે.

મધ્યપ્રદેશના છતરપુર ખાતે આવેલા બાગેશ્વર ધામમાં સોમવારે રાતે લગભગ 3 વાગ્યે મોટી દુર્ઘટના સર્જાઈ. અહીં એક ધર્મશાળાની દિવાલ અચાનક ધરાશાયી થતા એક મહિલા ભક્તનું મોત થયું, જ્યારે 7થી વધુ લોકો ઘાયલ થયા છે. ઘટનાની માહિતી મળતા જ સ્થાનિક પોલીસ અને વહીવટીતંત્રની ટીમ ઘટનાસ્થળે પહોંચી હતી. ઘટનામાં ઘાયલ થયેલા લોકોને હાલ હોસ્પિટલમાં સારવાર હેઠળ ખસેડાયા છે.

બેંગલુરુમાં એક મહિલાએ પોતાના દોઢ મહિનાના પુત્રને ઉકળતા પાણીમાં ડુબાડીને તેની હત્યા કરી દીધી. અહેવાલો અનુસાર, મહિલા આર્થિક તંગીથી પરેશાન હતી અને છેલ્લા કેટલાક દિવસોથી બાળકના સતત રડવા અને તેને દૂધ ન પીવડાવી શકવાના કારણે તે પોસ્ટપાર્ટમ ડિપ્રેશનમાં હતી. આ મામલે પોલીસે મહિલાની ધરપકડ કરી છે.

અમેરિકાના રાષ્ટ્રપતિ ડોનાલ્ડ ટ્રમ્પે 14 દેશો પર ટેરિફની જાહેરાત કરી છે, જેમાં મ્યાનમાર અને લાઓસ પર સૌથી વધુ 40% ટેરિફ લાદવામાં આવ્યો છે. આ દેશોમાં બાંગ્લાદેશ (35%), બોસ્નિયા અને હર્ઝેગોવિના (30%), કંબોડિયા (36%), ઇન્ડોનેશિયા (32%), થાઇલેન્ડ (36%) અને દક્ષિણ આફ્રિકા (30%)નો સમાવેશ થાય છે. ટ્રમ્પે કહ્યું, "અમે ભારત સાથે સોદો કરવાની ખૂબ નજીક છીએ."

રાજ્યમાં છેલ્લા 24 કલાકમાં 153 તાલુકામાં મેઘમહેર જોવા મળી છે. સૌથી વધુ આણંદના બોરસદમાં 3.90 ઈંચ વરસાદ નોંધાયો છે. જ્યારે પંચમહાલના ગોધરામાં 3.7 ઈંચ વરસાદ નોંધાયો છે. કચ્છના ગાંધીધામમાં 2.3 ઈંચ, માંડવીમાં 2.2 ઈંચ તેમજ 12 તાલુકામાં 1 ઈંચથી વધુ વરસાદ ખાબક્યો છે. હવામાન વિભાગે આજે દક્ષિણ ગુજરાતમાં ભારે વરસાદની શક્યતા વ્યક્ત કરી છે.

હવામાન વિભાગની આગાહી અનુસાર, હાલ એક સાથે 3 વરસાદી સિસ્ટમ સક્રિય હોવાથી ગુજરાતમાં વરસાદી માહોલ રહેશે. અમદાવાદમાં સામાન્યથી મધ્યમ વરસાદની આગાહી કરવામાં આવી છે. હવામાન વિભાગની આગાહી પ્રમાણે, 8 જુલાઈના રોજ વલસાડ અને નવસારીમાં છૂટાછવાયા સ્થળોએ ગાજવીજ સાથે ભારે વરસાદ પડી શકે છે. ઉલ્લેખનીય છે કે, ગુજરાતમાં અત્યાર સુધીમાં સામાન્ય કરતાં 112 ટકા વધુ વરસાદ વરસ્યો છે.

સુરત એરપોર્ટનો એક વીડિયો વાયરલ થયો છે, જેમાં મુસાફરોથી ભરેલા એક પ્લેન પર મધમાખીઓનું ઝુંડ જોવા મળ્યું હતું. રિપોર્ટ મુજબ, ઈન્ડિગો એરલાઈન્સના સુરતથી જયપુર જતા પ્લેનમાં લગેજ લોડિંગ પ્રક્રિયા દરમિયાન મધમાખીઓનું ઝૂંડ પ્લેનના લગેજ દરવાજા વિસ્તારમાં બેસી ગયું હતું. ઘટનાની જાણ થતા ફાયર વિભાગની ટીમ એરપોર્ટ પ્લેન પાર્કિંગ સ્થળે પહોંચી હતી અને મધમાખીઓને દૂર કરવા માટે પાણીનો મારો ચલાવ્યો હતો.

સાબરકાંઠા જિલ્લાના સપ્તેશ્વર નજીકથી પસાર થતી સાબરમતી નદીમાં ગઈકાલે મહેસાણા જિલ્લાના દેત્રોજ તાલુકાના કટોસણ ગામના 23 વર્ષીય યુવાન નાહવા પડ્યો હતો અને તે દરમિયાન સાબરમતી નદીમાં તણાવ્યો હતો ભારે પાણીના પ્રવાહમાં યુવક ડૂબી ગયો હતો જોકે પાણીમાં યુવક ડૂબે હોવાની જાણ થતા હિંમતનગર ઇડર વિજાપુર સહિતની ફાયર વિભાગની ટીમો ઘટના સ્થળે પહોંચી શોધખોળ હાથ ધરી હતી પરંતુ 12 કલાક બાદ યુવકનું મૃતદેહ મળી આવ્યો હતો. મહેસાણા જિલ્લાના દેત્રોજ તાલુકાના કટોસણ ગામના નિલેશ પર

એક માસમાં જ ભાણવડ પંથકમાંથી 98 સાપોનું બચાવ કાર્ય કરતું એનિમલ લવર્સ ચેરીટેબલ ટ્રસ્ટ ભાણવડ પંથકમાં છેલ્લા પંદરેક વર્ષોથી સરિસૃપોના બચાવ કાર્ય સાથે સંકળાયેલા એનિમલ લવર્સના અશોકભાઈ ભટ્ટનો સંપર્ક કરતા હોય છે જેથી આ ટ્રસ્ટના સભ્યો દ્વારા વર્ષ દરમ્યાન હજારો સરિસૃપોનું રેસ્ક્યુ કાર્ય થાય છે ત્યારે માત્ર ગત જૂન એક મહિનામાં જ 98 જેટલા સરિસૃપોનું જુદા જુદા વિસ્તારોમાંથી બચાવ કાર્ય કરાયું હતું.

ખંભાળિયા નજીક આવેલ વાડીનાર જેટી પર ઊંટોનું ટોળું તણાઇ આવ્યું. બનાવની જાણ થતાં પોલીસે ઘટના સ્થળે પહોંચી ઊંટોનું રેસ્ક્યુ કરીને બહાર કાઢ્યા. ઊંટો ક્યાંથી આવ્યાં તે અંગે પોલીસે વધુ તપાસ હાથ ધરી.

મહાનગરપાલિકા દ્વારા ઠોકી બેસાડવામાં આવેલ કરવેરાનો શહેરીજનો દ્વારા ભારે વિરોધ કરાયો હતો જેથી વેરા વધારો મોકુફ રાખવામાં આવ્યો હોવાનું ગઈકાલે જાહેર થયું છે જે અંગે મહાનગરપાલિકા કચેરી ખોલાવી ત્યાં પ્રેસ કોન્ફરન્સ યોજી ધારાસભ્ય એ આ અંગે જાહેરાત કરી હતી.આ કોન્ફરન્સમાં અર્જુનભાઈ એ એવું જણાવ્યું હતું કે જે વેરા વધારવામાં આવ્યા છે તે ખૂબ જ અસહ્ય હોવાનીં રજૂઆત મળી

રાજપીપળા ખાતે ચૈતર વસાવાના વકીલ ગોપાલ ઇટાલીયા ને કોર્ટમાં પ્રવેશ ના અપાતા જુનાગઢ જિલ્લા કોર્ટ ખાતે બાર એસોસિએશનના સભ્યો દ્વારા વિરોધ કરવામાં આવ્યો છે.બાર એસોસીએશનના પ્રમુખ જયદેવ જોશી ની આગેવાનીમાં વકીલો એ સૂત્રોચાર કર્યા હતા. પોલીસ દ્વારા વકીલ ગોપાલ ઇટાલીયા ને રોકવામાં આવેલ હોય પોલીસ અધિકારી ઉપર ફક્ત કાર્યવાહી કરવામાં આવે તેવી માંગ કરવામાં આવી હતી.

સુરતમાં કાપોદ્રા હીરાબાગ વિસ્તારમાં રસ્તા ઉપર રખડતા ધોળ પકડવા જનાર સુરત મ્યુનિસિપલ કોર્પોરેશનના અધિકારી સાથે માથાકૂટ કરી દાતરડા વડે હુમલોક કરવાનો પ્રયાસ કર્યો હતો અને માર દાતરડું માર કહેનાર માતા અને દીકરી સાથે દીકરાની પણ કાપોદ્રા પોલીસે ધરપકડ કરી છે.

મહેસાણા મોઢેરા રોડ પર મોટપ ચોકડી પાસે 05 જુલાઈ 2025 ના રોજ રાત્રે 10 વાગ્યા આસપાસ બે ટ્રેલર વચ્ચે અકસ્માત સર્જાયો હતો જેમાં 2 લોકોના મોત નીપજ્યા હતા , જેમાં એક મૃતદેહ કલાકો વિતવા છતાં ટ્રેલર નીચે દબાયેલો હતો , મૃતદેહ કાઢવા ટેલર ચાલક દ્વારા આજીજી કરી હતી

ગઢડા શહેર અને તાલુકા કાઠી ક્ષત્રિય સમાજ સહિત 18 વર્ણના સમાજોએ ગેબીનાથની પવિત્ર પરંપરા અંગે અપમાનજનક ટિપ્પણી કરવા બદલપત્રકાર વિરુદ્ધ કાયદેસર પગલાંની માંગ સાથે આવેદનપત્ર પાઠવ્યુંગઢડા શહેર તથા તાલુકામાં કાઠી ક્ષત્રિય સમાજના આગેવાનો અને વિવિધ સમાજના પ્રતિનિધિઓએ મળીને ગેબીનાથ ધામ તથા ગેબી પરંપરા સામે એક પત્રકાર દ્વારા કરવામાં આવેલી અમર્યાદિત ટિપ્પણી વિરુદ્ધ તાત્કાલિક કાર્યવાહી કરવાની માંગ સાથે મામલતદાર કચેરી તેમજ ગઢડા પોલીસ સ્ટેશનમાં આવેદનપત્ર પાઠવ્યુ

શહેરમાં ખસ રોડપર આવેલ હુસેની ચોકમાં રહેતા અમીન સતારભાઈ આરબીયાણી ની કરી અટકાયત. અમીન સતારભાઈ આરબીયાણી ગાંજા ના વેચાણના ત્રણ કેસમાં હતો સંડોવાયેલ. બોટાદ SOG પોલીસે અમીન સતારભાઈ આરબીયાણી ની વિરુદ્ધ PIT NDPS હેઠળ દરખાસ્ત કરેલ. અધિક પોલીસ મહાનિર્દેશક સી. આઈ. ડી. ક્રાઈમે મંજુર કરતા SOG પોલીસે શખ્સનીઅટકાયત કરી ને હિંમતનગર જેલ હવાલે કર્યો. NO DRIGS IN BOTAD ની થીમ હેઠળ બોટાદ પોલીસ નશીલા પદાર્થો ના થતા ગેરકાયદેસર વેચાણ સામે કરી રહી છે કડક કાર્યવાહી.

પાર઼ડી તાલુકાના ટુકવાડામાં 15 વર્ષીય બાળકે મોબાઇલ માટે આપઘાત કર્યાની ઘટના સામે આવી છે. જેમાં 15 વર્ષીય પ્રિન્સ શૈલેષભાઇ પટેલે માત્ર મોબાઇલ ન મળતા આપઘાત કર્યો છે. બાળકનો ફોન બગડી ગયો હતો. પિતાએ આર્થિક તંગીને કારણે રિપેર ન કરાવતા બાળક ભાવનાત્મક તૂટી જતા બાળકે ઘરના પાછળ આવેલા ઝાડની ટાળી સાથે ઓઢણી વડે ફાંસોખાઇ જીવન ટુંકાવી લીધું હતું.

બોડેલી થી ડભોઇના મુખ્ય હાઇવે પર કુંડી ગામ પાસે બન્યો એક બનાવ બન્યો મુખ્ય હાઇવે પર કુંડી ગામ પાસે આવેલ કોતરમાં બપોરના 1:30 વાગ્યાના સમયમાં એક છોકરી કુદી પડી હતી એવું ત્યાંના સ્થાનિકો દ્વારા જણાવવામાં આવ્યું બનાવ બનતા ની સાથે જ લોક ટોડા એકત્રિત થયા હતા જ્યારે છોકરી અસ્થિર મગજની હોય એવું લોક ટોળા દ્વારા જણાવવામાં આવ્યું હતું જ્યારે પીઠા ગામ પાસે બસમાંથી ઉતરેલ હોવાનું પણ સ્થાનિકો દ્વારા જાણવા મળ્યું હતું

આણંદ પાસે આવેલ અડાસ ગામે આવેલ ગાલા કંપનીના કર્મીઓએ કંપની બહાર વિરોધ પ્રદર્શન કર્યું હતું.કંપની દ્વારા સ્થાનિકોને નોકરી ન આપી તેમજ છુટા કરવાના વિરોધમાં સ્થાનિકો એકત્રિત થયા હતા.આ અંગે સોમવારે સાંજે 4 વાગે સરપંચ અને પૂર્વ સરપંચએ પ્રતિક્રિયા આપી હતી.

તાજેતરમાં બોટાદ જિલ્લામાં ગ્રામ પંચાયતની ચૂંટણીમાં ભાજપ સમર્થિત ચૂંટાયેલા સરપંચનો બોટાદ માર્કેટિંગ યાર્ડ ખાતે સન્માન સમારોહ યોજાયો.બોટાદ જિલ્લા ભાજપ પ્રમુખ મયુરભાઈ પટેલના અધ્યક્ષ સ્થાને આ કાર્યક્રમ યોજવામા આવ્યો હતો. જેમાં ગઢડા વિધાનસભાના ધારાસભ્ય પ્રભુપ્રસાદજી ટૂંડિયા,બોટાદ જિલ્લા પંચાયતના પ્રમુખ જેઠીબેન પરમાર સહિતના ભાજપના હોદ્દેદારો હાજર રહ્યા હતા.નવા ભાજપ સમર્થિત ચૂંટાયેલા સરપંચોનું પુષ્પગુચ્છ અને શ્રી કષ્ટભંજનદેવની પ્રતિમા આપી સન્માનિત કર્યા

નવસારી મહાનગરપાલિકા દ્વારા જે પૂર અસરગ્રસ્ત વિસ્તારોમાં જે કામગીરી કરવામાં આવી હતી જેને લઈને નવસારી મહાનગરપાલિકાના કમિશનર એવા દેવ ચૌધરીએ વિગતવાર માહિતી આપી હતી. કેટલા સફાઈ કરવી હોય આ કાર્યમાં જોડાયા હતા અને કઈ રીતે મહાનગરપાલિકાએ આયોજન કર્યું હતું તેની વિશેષ માહિતી આપી.

અંજારના મેઘપર બોરીચી માં રહેતા મનીષભાઈ દેવનાની એ નોંધાવેલી ફરિયાદમાં જણાવ્યા મુજબ તેઓ છેલ્લા અંદાજિત પાંચેક વર્ષથી નિર્ભયા ફાઉન્ડેશન નામની સંસ્થામાં પ્રમુખ તરીકે સેવા આપે છે. આ સંસ્થામાં શ્વાનોની દેખરેખ રાખવામાં આવે છે. ફરિયાદી અને સંસ્થાના ટ્રસ્ટી સાથે પુષ્પકોટેજ સોસાયટીના પુજાબેન રાઠોડ, ચેતનભાઇ રાઠોડ, અતુલભાઇ નાગરેચા તથા તેમનો દિકરા દ્વારા અસહ્ય વર્તન કરવામાં આવ્યુ.જેને લઈને જીવ દયા પ્રેમીઓ રોષે ભરાયા હતા અને અંજાર પોલીસ મથકે ફરિયાદ નોંધાવી છે.

જુનાગઢ જિલ્લાના ભેસાણ ની માં અમર શૈક્ષણિક સ્કૂલમાં પ્રિન્સિપાલ અને શિક્ષક દ્વારા વિદ્યાર્થીઓ સાથે અડપલા કરવામાં આવતા હોવાની ઘટના સામે આવતા ખળભળાટ મચી જવા પામ્યો છે. સમગ્ર બાબતને લઈ જૂનાગઢ જિલ્લા શિક્ષણ અધિકારી લતાબેન ઉપાધ્યાય દ્વારા પોલીસ ફરિયાદ નોંધવા આદેશ કરાયા છે.અને પ્રતિક્રિયા અપાય છે.

જામનગરના શ્રાવણ મેળાની જગ્યા નક્કી કરવા તંત્રમાં દોડધામ. મેળાના સ્થળ બાબતે અનિશ્ચિતતા સર્જાઈ. શહેરના પ્રદર્શન ગ્રાઉન્ડ ખાતે હાલ કામચલાઉ બસ સ્ટેન્ડ કાર્યરત હોવાથી મેળાનું આયોજન ચકડોળે ચડ્યું. મેળાની અંતિમ જગ્યા હજી નિર્ધારિત થઈ નથી. હાલ અન્નપૂર્ણા ચોકડી નજીકના પ્લોટમાં મેળાનું આયોજન કરવાની તંત્ર દ્વારા વિચારણા. સોઈલ ટેસ્ટ પણ કરાવવામાં આવ્યો છે અને રિપોર્ટના આધારે અંતિમ નિર્ણય લેવામાં આવશે

બીલીમોરા ખાતે નજીક સંદીગદ્ય હેલિકોપ્ટર દેખાયું હોવાની ઘટના બની હતી. સોશિયલ મીડિયામાં આ વિડીયો વાયરલ થયો હતો જે બીલીમોરા નું હોવાનું કહેવામાં આવ્યું છે અને તેમાં આ હેલિકોપ્ટર બીલીમોરા નજીકથી પસાર થઈ રહ્યું હોવાનું જણાવ્યું હતું જો કે આ વિડીયો સોશિયલ મીડિયામાં વાયરસ હતા બીલીમોરામાં કુતુહલ જોવા મળ્યો હતો.