બ્રેસ્ટ કેન્સરના ત્રીજા સ્ટેજથી પીડિત અભિનેત્રી હિના ખાને ગુરુવારે સોશિયલ મીડિયા પર પોતાની કેટલીક તસવીરો શેર કરી છે, જેમાં તે હાથમાં યુરિન બેગ લઈને હોસ્પિટલમાં ચાલતી જોવા મળી રહી છે. આ સાથે હિનાએ લખ્યું છે કે, "હોસ્પિટલના આ કોરિડોરમાંથી આશા તરફ આગળ વધી રહી છું... એક સમય પર એક પગલું."

યુપીના બાગપત કોતવાલી વિસ્તારમાં લગ્ન સમારોહ દરમિયાન શહજાદ નામના યુવકે થૂંકીને રોટલી બનાવતો હતો, જેનો વીડિયો સોશિયલ મીડિયા પર વાયરલ થઇ રહ્યો છે. આ એ જ શહજાદ છે, જે થૂંકીને રોટલી બનાવવા માટે જેલમાં જઈ ચૂક્યો છે અને હાલ જામીન પર બહાર છે. વીડિયો વાયરલ થયા બાદ પોલીસે આરોપી શહેઝાદની અટકાયત કરી છે અને કેસની તપાસ શરૂ કરી છે.

સોશ્યિલ મીડિયા પર એક વીડિયો વાઇરલ થઇ રહ્યો છે, જેમાં એક વ્યક્તિ પગ વડે ટ્રક ચલાવતો જોવા મળી રહ્યો છે. વીડિયોમાં ટ્રકની નંબર પ્લેટ દેખાય છે તે અનુસાર, આ વીડિયો તામિલનાડુનો હોવાનું કહેવાય રહ્યું છે. વાઇરલ વીડિયો પર અનેક યુઝર્સે પ્રતિક્રિયા આપી હતી. મોટાભાગના યુઝર્સે 'ડ્રાઈવિંગ સ્ટાઈલ'ને જોખમી ગણાવી હતી જ્યારે એક યુઝરે કહ્યું, તામિલનાડુના લોકો કંઈપણ કરી શકે છે.

થાઈલેન્ડ-મ્યાનમાર બોર્ડર પાસે એક ચીની યુવક 3 દિવસ સુધી કુવામાં ફસાયેલો રહ્યો. અહેવાલો અનુસાર, ગ્રામજનોએ વ્યક્તિના રડવાનો અવાજ ભૂતનો અવાજ માન્યો હતો, જેના કારણે તેઓ તે જગ્યાએ ગયા ન હતા. 22 વર્ષીય યુવક આ વિસ્તારમાં ચાલતી વખતે કૂવામાં પડી ગયો હતો અને તેને કાંડામાં ફ્રેક્ચર સહિત ઘણી ઇજાઓ થઈ હતી.

યુએસ સરકારની નેશનલ ઇન્સ્ટિટ્યૂટ ઑફ હેલ્થ અનુસાર, ફંગલ ઇન્ફેક્શન, સ્કિન ઈનફેકશન, કન્ઝક્ટિવાઈટિસ, એચઆઇવી એઇડ્સ, હેપેટાઇટિસ બી/સી અને હર્પીસ જેવા રોગો સલૂન અથવા બ્યુટી પાર્લર દ્વારા ફેલાય છે. તેનું મુખ્ય કારણ દૂષિતઇ કવીપમેન્ટ, ટુવાલ કે પ્રોડક્ટ હોઈ શકે છે. સલૂન/પાર્લરમાં પર્સનલ હાઇજીન (વ્યક્તિગત સ્વચ્છતા) અને સાફ સફાઈનું ધ્યાન રાખીને આ રોગોનું જોખમ ટાળી શકાય છે.

ભારતીય અવકાશ સંશોધન સંસ્થા (ઈસરો)એ ગુરૂવારે ​​PROBA-3 મિશનનું સફળતાપૂર્વક લોન્ચ કર્યું છે, જેમાં 2 ઉપગ્રહ એકસાથે છોડવામાં આવ્યા છે. આ મિશન સૂર્યના કોરોનાનો અભ્યાસ કરવા માટે તૈયાર કરવામાં આવ્યું છે. કોરોના એ સૂર્યનું બાહ્ય વાતાવરણ છે, જે સૂર્યની સપાટી કરતા વધુ ગરમ છે. તે અવકાશના હવામાનનો સ્ત્રોત પણ છે, જેથી તે વૈજ્ઞાનિકો માટે ખાસ રુચિનો વિષય છે.

આમ આદમી પાર્ટીના એક અધિકારીએ બીબીસીના પત્રકારને શિક્ષક અવધ ઓઝાનો ઈન્ટરવ્યુ રોકવા માટે કહ્યું હતું, જેનો વીડિયો વાયરલ થયો છે. પત્રકારે ઓઝાને વડાપ્રધાન નરેન્દ્ર મોદી અને રાહુલ ગાંધીના વખાણ કરતા તેમના ભૂતકાળના નિવેદનો વિશે પ્રશ્ન કર્યો હતો, જેના પર AAP અધિકારીએ કહ્યું, "મેં તમને કહ્યું હતું કે, આડા-અવળા પ્રશ્નો પૂછશો નહીં."

ઉત્તર પ્રદેશના અમેઠીમાં બેગમપુરા એક્સપ્રેસ ટ્રેનમાં બેસવાને લઈ થયેલા ઝઘડામાં ચાર શખ્સોએ એક યુવકની ચાકુ મારીને હત્યા કરી છે. યુવકના બે ભાઈઓ તેને બચાવવા નિહાલગઢ રેલવે સ્ટેશન પહોંચ્યા ત્યારે ચાર શખ્સોએ તેમની પર હુમલો કરીને ઈજા પહોંચાડી છે. ચાલતી ટ્રેનમાં આ ઘટનાને અંજામ આપવામાં આવ્યો છે. પોલીસે ટ્રેનની બોગીને ઘેરી લઈને ચારેય આરોપીઓને ઝડપી લીધા છે.

કેરળના કોલ્લમમાં મંગળવારે રાત્રે એક વ્યક્તિએ તેની 44 વર્ષીય પત્નીની કાર પર પેટ્રોલ છાંટીને તેમાં આગ લગાવી દીધી હતી, જેના કારણે પત્નીનું મોત થયું છે. પોલીસના જણાવ્યા અનુસાર, ઘટના સમયે મહિલા તેના કોઈક પુરુષ મિત્ર સાથે કારમાં મુસાફરી કરી રહી હતી અને તેના પતિએ કારનો પીછો કરીને આ ઘટનાને અંજામ આપ્યો હતો. આરોપી ઝડપાઈ ગયો છે.

વલસાડ જિલ્લાના ધરમપુરના અંતરિયાળ ગામોમાં ગુરુવારે કમોસમી વરસાદ પડ્યો છે. વલસાડમાં બુધવારથી વાદળછાયું વાતાવરણ છવાયું હતું, જે બાદ આજે ધરમપુરના અંતરિયાળ આવધા, રાજપુરી, ગોરખડા અને મોહપાડા ગામોમાં કમોસમી વરસાદ વરસ્યો છે. ઉલ્લેખનીય છે કે, હવામાન નિષ્ણાત અંબાલાલ પટેલ અને પરેશ ગોસ્વામીએ ગુજરાતનાં કેટલાક ભાગોમાં માવઠું થવાની આગાહી કરી હતી.

મહેસાણાના નવી સેઢાવી ગામમાં મજૂરી કામ કરતા યુવકનું અડાલજ સબ ડિસ્ટ્રિક્ટ હોસ્પિટલમાં ટાર્ગેટ પૂરો કરવા નસબંધીનું ઓપરેશન કરવા મામલે નવો ખુલાસો થયો છે. યુવકે દાવો કર્યો છે કે તેને પહેલા દારૂ પીવડાવી બાદમાં તેનું ઓપરેશન કરી દેવામાં આવ્યું હતું. ઉલ્લેખનીય છે, યુવકના એક મહિના બાદ લગ્ન થવાના હતા ત્યારે આરોગ્ય અધિકારીએ આ અંગે જવાબદાર કર્મચારી સામે કાર્યવાહીની ખાતરી આપી છે.

અમદાવાદની ખ્યાતિ હોસ્પિટલમાં સારવાર માટે આવેલા 112 દર્દીના મોત થયા હોવાનું આરોપી ડૉ. સંજય પટોળીયાએ પોલીસ પુછપરછમાં જણાવ્યું છે. પુછપરછમાં જાણવા મળ્યું કે, છેલ્લા ત્રણ વર્ષમાં ખ્યાતિ હોસ્પિટલમાં 3,842 દર્દીઓની PMJAY યોજના હેઠળ સારવાર કરાઈ હતી, જેનાથી આશરે ₹1.50 કરોડ પડાવી લેવાયા હતા. તેણે ઉમેર્યું, હોસ્પિટલે ઓડિટમાં નાણાંકીય ખોટ દર્શાવી આર્થિક લાભ મેળવ્યા છે.

સુરેન્દ્રનગરના વઢવાણનો નવલસિંહ ચાવડા રૂપિયા ચારગણા કરવાની લાલચ આપી લોકોને તંત્રવિધિમાં ફસાવતો અને બાદમાં તેઓને આલ્કોહોલમાં સોડિયમ નાઇટ્રેટ પીવડાવી દેતો હતો, જેના કારણે હાર્ટ એટેક આવતા તેમનું મોત થઈ જતું. નવલસિંહે આવી રીતે 4 હત્યાઓ કરી હોવાનું પોલીસ તપાસમાં સામે આવ્યું છે. અમદાવાદના એક યુવકને તેણે આવી રીતે ફસાવ્યો, પરંતુ ઘટના બને તે પહેલા પોલીસે નવલસિંહને પકડી લીધો છે.

ઉત્તર પ્રદેશના કુશીનગરમાં લગ્ન સમારોહ દરમિયાન રાંધેલી માછલી ખાવાને લઈને વર પક્ષ અને કન્યા પક્ષના વચ્ચે થયેલા વિવાદમાં બંને પક્ષોએ એકબીજા ઉપર લાકડીઓથી હુમલો કર્યો. અહેવાલો અનુસાર, હુમલા દરમિયાન કેટલાક લોકોએ વરરાજાને પણ માર માર્યો છે અને તે મંડપ છોડીને ભાગી ગયો છે. આ દરમિયાન પોલીસ ઘટનાસ્થળે પહોંચી વરરાજાની શોધખોળ કરીને સમજાવ્યા બાદ લગ્ન કરાવ્યા છે.

ઈન્ડિયન સ્પેસ રિસર્ચ ઓર્ગેનાઈઝેશન (ISRO)એ સતીશ ધવન સ્પેસ સેન્ટર, શ્રીહરિકોટા, આંધ્રપ્રદેશથી PSLV-C59/PROBA-3 મિશન સફળતાપૂર્વક લોન્ચ કર્યું. આ મિશનનો હેતુ યુરોપિયન સ્પેસ એજન્સીના PROBA-3 અવકાશયાનને અત્યંત લંબગોળ ભ્રમણકક્ષામાં તૈનાત કરવાનો છે. ઇસરોએ સફળ પ્રક્ષેપણ બાદ કહ્યું,"આંતરરાષ્ટ્રીય સહયોગ અને ભારતની અવકાશ સિદ્ધિઓના તાલમેલની ઉજવણી કરતી આ એક ગૌરવપૂર્ણ ક્ષણ છે."

ટાટા મોટર્સે MY-2023 મોડલની કારની કિંમતમાં ₹3.7 લાખનો ઘટાડો કર્યો છે. હૈરિયર અને સફારીની કિંમતોમાં ₹3.7 લાખ, નેક્સોનની કિંમતોમાં ₹2.85 લાખ, જ્યારે ટિયાગો, અલ્ટ્રોઝ અને ટિગોરની કિંમતોમાં ₹2.05 લાખ સુધીનું ડિસ્કાઉન્ટ આપવામાં આવી રહ્યું છે. બીજી તરફ ટાટા પંચની કિંતતોમાં ₹1.55 લાખ સુધીનું ડિસ્કાઉન્ટ મળી રહ્યું છે.

બિહારમાં સુપૌલના ત્રિવેણીગંજમાં ગુરુવારે પોલીસ અને સ્થાનિક લોકો વચ્ચે હિંસક અથડામણ થઈ. અહેવાલો અનુસાર, 100થી વધુ લોકો કોઈ વિવાદને લઈ લાકડીઓ સાથે ત્રિવેણીગંજ પોલીસ સ્ટેશને પહોંચ્યા હતા અને પોલીસ સ્ટેશનની બહાર પથ્થરમારો કર્યો છે. અહેવાલો અનુસાર, પરિસ્થિતિને કાબૂમાં લેવા માટે પોલીસને લાઠીચાર્જ કરવો પડ્યો છે.

સુપ્રીમ કોર્ટે ગુરુવારે દિલ્હીમાં ગ્રેડેડ રિસ્પોન્સ એક્શન પ્લાન (GRAP)ના ચોથા તબક્કાના પ્રતિબંધોને ઘટાડીને GRAP-2 લાગુ કરવાની મંજૂરી આપી છે. કોર્ટે આ નિર્ણય હવાની ગુણવત્તામાં સુધારો થયા બાદ આ લીધો છે. કોર્ટ અનુસાર, જો AQI 350ને પાર કરે તો GRAP-3 લાગુ કરવો અને જો તે 400ને પાર કરે તો GRAP-4 લાગુ કરવો જોઈએ.

મહારાષ્ટ્રના મુખ્યમંત્રી તરીકે શપથ લીધા બાદ દેવેન્દ્ર ફડણવીસે કહ્યું કે, નવી મહાયુતિ સરકારમાં માત્ર મારી ભૂમિકા બદલાઈ છે, પરંતુ રાજ્યના વિકાસ માટે કામ કરવાની દિશા અને ગતિ એ જ રહેશે. ફડણવીસની ટિપ્પણી ત્યારે આવી જ્યારે એકનાથ શિંદેએ અગાઉની મહાયુતિ સરકારમાં સીએમ હતા. પોતાના પદ અંગે સસ્પેન્સ બાદ શિંદેએ ડેપ્યુટી સીએમ તરીકે શપથ લીધા છે.

IIT-મદ્રાસના સંશોધકોએ કોલેજ કેમ્પસમાં કેટલાક શાળાના વિદ્યાર્થીઓ ઉપર એક પ્રોડક્ટ ટેસ્ટ કર્યો, જે બાદ વિદ્યાર્થીઓના માતા-પિતાએ આક્ષેપ કર્યો કે, શાળા અને કોલેજે આ માટે અમારી પરવાનગી લીધી ન હતી. તમિલનાડુ શિક્ષણ વિભાગે તપાસના આદેશ આપ્યા છે અને શાળાના આચાર્યને હટાવી દીધા છે. વિદ્યાર્થીઓને ચંપલ અને સ્માર્ટ ઘડિયાળમાં 'સ્માર્ટ ઇન્સોલ્સ' પહેરાવવા હતા.

રશિયાના રાષ્ટ્રપતિ વ્લાદિમીર પુતિને વડાપ્રધાન નરેન્દ્ર મોદીની 'ઈન્ડિયા-ફર્સ્ટ' પોલિસી અને 'મેક ઈન ઈન્ડિયા' પહેલની પ્રશંસા કરી છે. પુતિને મોસ્કોમાં એક ફોરમમાં જણાવ્યું કે, અમે ભારતમાં અમારી મેન્યુફેક્ચરિંગ સાઇટ સ્થાપવા માટે તૈયાર છીએ. પુતિને ઉમેર્યું, "ભારત સરકાર અને પીએમ મોદીના નેતૃત્વમાં સ્થિર પરિસ્થિતિઓ બની રહી છે, અમે માનીએ છીએ કે ભારતમાં રોકાણ કરવું ફાયદાકારક છે."

દિલ્હી વિધાનસભાના અધ્યક્ષ અને AAPના ધારાસભ્ય રામ નિવાસ ગોયલે ગુરુવારે પોતાની ઉંમરને ટાંકીને સક્રિય રાજકારણમાંથી નિવૃત્તિ લેવાની જાહેરાત કરી છે. 76 વર્ષીય ગોયલે કહ્યું, "હું તમને ખાતરી આપવા માંગુ છું કે મારી પાસે જે કંઈ છે તે સાથે હું AAPની સેવા કરવાનું ચાલુ રાખીશ." ગોયલની નિવૃતિ અંગે પ્રતિક્રિયા આપતા AAPના પ્રમુખ અરવિંદ કેજરીવાલે કહ્યું, "ગોયલનો નિર્ણય આપણા બધા માટે ભાવનાત્મક ક્ષણ છે."

'પુષ્પા 2'ના પ્રીમિયર દરમિયાન બુધવારે હૈદરાબાદના સંધ્યા થિયેટરમાં થયેલી નાસભાગને લઈ નોંધાયેલા કેસમાં ફિલ્મના અભિનેતા અલ્લુ અર્જુનને પણ આરોપી બનાવવામાં આવ્યો છે. આ ઘટનામાં રેવતી નામની મહિલાનું મોત થયું હતું. વાસ્તવમાં અલ્લુ અર્જુન અચાનક પ્રીમિયરમાં પહોંચ્યો ત્યારે તેની એક ઝલક મેળવવા ચાહકોમાં નાસભાગ મચી ગઈ હતી.

મહારાષ્ટ્ર સરકાર અને સીએમ દેવેન્દ્ર ફડણવીસના શપથવિધિ સમારોહમાં શાહરૂખ ખાન, સલમાન ખાન, રણબીર કપૂર અને માધુરી દીક્ષિત સહિત અનેક બોલિવૂડ સેલેબ્સ હાજરી આપી છે. આ સમારોહ ગુરુવારે મુંબઈના આઝાદ મેદાનમાં યોજાયો છે. આ સમારોહમાં યોગી આદિત્યનાથ, નીતિશ કુમાર, ચંદ્રબાબુ નાયડુ, મોહન યાદવ અને પુષ્કર ધામી સહિત અન્ય નેતાઓ પણ જોવા મળ્યા છે.

સિંગર અભિજીત ભટ્ટાચાર્યએ શાહરૂખ ખાન સાથેના કથિત વિવાદનું કારણ જણાવ્યું છે. અભિજીતે કહ્યું, "જ્યારે આત્મસન્માનને ઠેસ પહોંચે છે તો તમારે 'હવે વધુ નહીં' કહેવું પડે છે... હું શાહરૂખ માટે ગાતો ન હતો... જ્યારે મને લાગ્યું કે મને મારા કામ માટે ક્રેડિટ નથી મળી રહ્યું તો હું 'શા માટે તમારો (શાહરુખ) નો અવાજ? અને માફી માંગવાની તો કોઈ જરૂર નથી."