અહેવાલ અનુસાર, ગુજરાતના ગાંધીનગરથી કેદારનાથ યાત્રા પર જઈ રહેલા 5 મિત્રોની કારનો અકસ્માત સર્જાયો છે. અકસ્માત યુપીના મુઝફ્ફરનગર જિલ્લામાં થયો, જ્યાં કાર ચાલકે કાબુ ગુમાવતા કાર ફ્લાયઓવર પરથી 20 ફૂટ નીચે ખેતરમાં ખાબકી હતી. અકસ્માતમાં અમિત, વિપુલ, ભરત અને કરણ નામના 4 યુવકોના ઘટનાસ્થળે જ મોત થયા છે, જ્યારે જિગર નામનો યુવક ગંભીર રીતે ઘાયલ થતા તે સારવાર હેઠળ છે.

ભારતીય રેલવેએ સોમવારે એક પરિપત્ર બહાર પાડીને 1 જુલાઈ, 2025થી ભાડામાં વધારો જાહેર કર્યો છે. મેઇલ/એક્સપ્રેસ ટ્રેનો (નોન-એસી) ના ભાડામાં પ્રતિ કિલોમીટરે 1 પૈસાનો વધારો થશે જ્યારે તમામ એસી ક્લાસના ભાડામાં પ્રતિ કિલોમીટરે 2 પૈસાનો વધારો થશે. બીજી તરફ જનરલ સેકન્ડ ક્લાસમાં 500 કિમી સુધીના ભાડામાં કોઈ વધારો થશે નહીં.

દેશભરમાં 1, જુલાઈથી કોમર્શિયલ LPG સિલિન્ડરના ભાવમાં ₹58 નો ઘટાડો કરવામાં આવ્યો છે. આ સતત ચોથો મહિનો છે જ્યારે ભાવમાં ઘટાડો કરાયો છે. જો કે, ઘરેલુ ગેસ સિલિન્ડર એટલે કે 14 કિલોગ્રામ LPG સિલિન્ડરના ભાવમાં કોઈ ફેરફાર કરાયો નથી. નવા રેટ અનુસાર, આજથી દિલ્હીમાં 19 કિલોગ્રામનો LPG સિલિન્ડર ₹1,665માં, મુંબઈમાં ₹1616માં, કોલકાતામાં ₹1,769માં અને ચેન્નાઈમાં ₹1,823માં ઉપલબ્ધ થશે.

યુપીના રામપુરમાં એક યુવકે આરોપ લગાવ્યો છે કે, તેના કેટલાક ટ્રાન્સજેન્ડર મિત્રોએ તેને નશીલા પદાર્થો ભેળવેલું કોલ્ડ્રિંક પીવડાવ્યું અને બાદમાં તેનું પ્રાઇવેટ પાર્ટ કાપી નાખી તેનું લિંગ પરિવર્તન કરાવ્યું. સ્થાનિક સીએચસી સુપરિન્ટેન્ડેન્ટ ડૉ. આરકે ચંદેલે જણાવ્યું હતું કે, યુવકના પેટમાં ગર્ભાશય પણ સ્થાપિત કર્યું છે કે કેમ તે પણ એક તપાસનો વિષય છે.

અમદાવાદના રખિયાલ વિસ્તારમાં આવેલ નૂતન ભારતી સ્કૂલમાં એક શિક્ષક ઉપર વાલી દ્વારા હુમલો કરાયો છે. ઘટનાના સીસીટીવી સામે આવ્યા છે, જેમાં આરોપી વાલી ખિસ્સામાંથી છરી કાઢતો જોવા મળે છે. અહેવાલ મુજબ, આરોપી વાલી દીકરીનું લિવિંગ સર્ટિફિકેટ લેવા આવ્યો હતો પરંતુ શિક્ષકે બાદમાં લઇ જવાનું કહેતા આરોપી ઉશ્કેરાયો હતો. પહેલા તેણે શિક્ષકને લાફો માર્યો બાદમાં ઉપરાછાપરી છરીના ઘા ઝીંકી દીધા હતા.

હવામાન અપડેટ મુજબ, ગુજરાતમાં છેલ્લા 24 કલાકમાં 171 તાલુકામાં વરસાદ નોંધાયો છે. જેમાં કાલાવડમાં 3.20 ઈંચ, રાણાવાવમાં 3.10 ઈંચ, કાલોલમાં 2.80 ઈંચ, માણાવદર અને જૂનાગઢમાં 2.70 ઈંચ, કપરાડામાં 2.40 ઈંચ વરસાદ નોંધાયો છે. જ્યારે જેતપુરમાં 2.20 ઈંચ, જોડીયામાં 2.20 ઈંચ વરસાદ પડ્યો છે. આ સાથે દ્વારકામાં 2.20 ઈંચ અને મુંદ્રામાં 2 ઈંચ વરસાદ નોંધાયો છે.

ગાંધીનગરમાં સેક્ટર 1માં કૃત્રિમ તળાવમાં ડૂબી જતા એક બાળકનું મોત થયું છે. કુલદીપ ભરવાડ નામનું બાળક ટ્યુશનથી આવીને રમતા-રમતા ખાડામાં પડ્યું હોવાનો સ્થાનિકો દાવો કરી રહ્યા છે. બાળક ઘરે ન પહોંચતા પરિવારજનોએ આખી રાત બાળકની શોધખોળ કર્યા બાદ સવારે તળાવમાં તેનો મૃતદેહ દેખાયો હતો. સ્થાનિકોએ મૃતદેહ ખાડામાંથી બહાર કાઢ્યો છે.

હવામાન વિભાગના વેધર મેપ પ્રમાણે, 1લી જુલાઈના રોજ અમરેલી, ભાવનગર, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, નવસારી, તાપી, ડાંગ જિલ્લામાં ગાજવીજ સાથે ભારે વરસાદની આગાહી છે. આ જિલ્લાઓમાં યલો એલર્ટ આપવામાં આવ્યું છે. આ સાથે જ આગાહી અનુસાર, સૌરાષ્ટ્ર- કચ્છમાં આગામી સપ્તાહ દરમિયાન ભારે વરસાદની સંભાવના છે. આ દરમિયાન 45થી 55 કિલોમીટર/કલાકની ગતિએ પવન ફૂંકાવાની સંભાવના છે.

ઓઇલ માર્કેટિંગ કંપનીઓએ એવિએશન ટર્બાઇન ફ્યુઅલ (ATF) ના ભાવમાં ₹6,271.5/કિલોલીટરનો વધારો કરીને એરલાઇન કંપનીઓને મોટો ફટકો આપ્યો છે. નવા દરો મંગળવારથી અમલમાં આવ્યા છે. ગયા મહિને ATFના ભાવમાં ₹2,414.25/કિલોલીટરનો ઘટાડો કરવામાં આવ્યો હતો. આ વધારાથી એરલાઇન્સના ખર્ચમાં વધારો થશે, જેના કારણે હવાઈ ભાડામાં વધારો થઈ શકે છે.

તમિલનાડુના શિવગંગા જિલ્લામાં 27 વર્ષીય મંદિરના ચોકીદાર અજીત કુમારના કથિત કસ્ટોડિયલ મૃત્યુના સંબંધમાં સસ્પેન્ડ કરાયેલા 6 પોલીસ અધિકારીઓમાંથી પૈકી 5ની પોસ્ટમોર્ટમ રિપોર્ટ આવ્યાં બાદ ધરપકડ કરવામાં આવી છે. પોસ્ટમોર્ટમ રિપોર્ટમાં મૃત્યુનું કારણ 18 ઇજાઓ અને હુમલો કરાયો હોવાનું પુષ્ટિ થઇ છે.

શેરબજારમાં મંગળવારે સવારે તેજીનો ટ્રેન્ડ જોવા મળ્યો અને BSEનો 30 શેરો ધરાવતો બેન્ચમાર્ક ઇન્ડેક્સ સેન્સેક્સ 210 પોઇન્ટ વધીને 83,816 પર ટ્રેડ કરી રહ્યો છે. બીજી તરફ NSEનો 50 શેરો ધરાવતો બેન્ચમાર્ક ઇન્ડેક્સ નિફ્ટી 64 પોઇન્ટ વધીને 25,581 પર ટ્રેડ કરી રહ્યો છે. એશિયન પેઇન્ટ્સના શેર 2.26%ના વધારા સાથે સેન્સેક્સમાં સૌથી વધુ વધ્યા છે.

ભારતનો દરિયાકિનારો 7,516 કિમીથી વધીને 11,098 કિમી થયો છે, જે 3,582 કિમી અથવા 48% નો વધારો દર્શાવે છે. 1970ના દાયકામાં દરિયાકિનારાનું માપ ઓછા-રિઝોલ્યુશન નકશા અને મેન્યુઅલ પદ્ધતિઓનો ઉપયોગ કરીને કરવામાં આવતું હતું, પરંતુ હવે તે આધુનિક GIS સોફ્ટવેર અને ઉચ્ચ-રિઝોલ્યુશન ડેટાનો ઉપયોગ કરીને '1થી 2.5 લાખ' સ્કેલ ઉપર માપવામાં આવે છે, જેના કારણે આ વધારો થયો છે.

ઈરાનના સર્વોચ્ચ નેતા આયાતુલ્લાહ અલી ખામેની અને તેમના પુરોગામી રૂહોલ્લાહ ખોમેની દર્શાવતું બેનર મોહરમ મહિનામાં પુણેના લોની કાલભોર ગામમાં ઈરાની સમુદાયના સભ્યો દ્વારા લગાવવામાં આવ્યું હતું. બજરંગ દળના કાર્યકરો અને સ્થાનિક પત્રકારોના એક જૂથે વિરોધ ઉઠાવ્યો હતો અને ફરિયાદો નોંધાવી હતી. પોલીસે બાદમાં બેનર હટાવી દીધું અને કહ્યું હતું કે તેને લગાવતા પહેલા કોઈ પૂર્વ પરવાનગી લેવામાં આવી નહોતી.

બિહારના મુઝફ્ફરપુરમાં એક વિદ્યાર્થિનીએ ફાંસી લગાવીને આત્મહત્યા કરી લીધી છે. વિદ્યાર્થિના પરિવારના જણાવ્યા અનુસાર, એક યુવક તેની સાથે છેડતી કરતો હતો અને તેનો અશ્લીલ વીડિયો વાઇરલ કરવાની ધમકી આપીને તેને બ્લેકમેલ કરતો હતો. પરિવારના જણાવ્યા અનુસાર, વિદ્યાર્થિની પોલીસ પાસે કેસ નોંધાવવા ગઈ હતી પરંતુ તેમણે કેસ નોંધ્યો નહીં, જેના કારણે અમારી પુત્રીએ આ પગલું ભર્યું છે.

વાઘોડાના ખેરવાડી ગામે સરકારી સસ્તા અનાજના દુકાનદાર દ્વારા ખેરવાડી ગામ વસાહત કોઠીયાપુરા તરસવા ગામ અને વસાહતમાં મે મહિનાનું અનાજ જુનમાં આપવામાં આવ્યું તદુપરાંત ગ્રાહકોને ધર્મના ધક્કા ખવડાવ્યા ગ્રાહકોને મળવાપાત્ર અનાજ કરતા ઓછું અનાજ ગ્રાહકોને વગર પાવતીએ અપાતા ગ્રાહકોએ હોબાળો કર્યું હતું. દુકાન પાછળ સંતાડેલા ચોખાના કટ્ટા ઝડપી પાડી પુરવઠા વિભાગની જાણ કરાઈ હતી

પંચમહાલ જિલ્લામાં મનરેગાના કામોની દ્વારા તપાસ કરાવવાની માંગ સાથે શહેરા તાલુકા પંચાયતના વિરોધ પક્ષના નેતા જે.બી.સોલંકી એ ગાંધીનગર ખાતે મુખ્યમંત્રીને રજૂઆત કરી છે,સાથે મનરેગાના કામોની યોગ્ય તપાસ કરવાની પણ માંગ કરી છે.આ અંગેનો વીડિયો સોશિયલ મીડિયામાં વાયરલ થયો છે.

થોડા દિવસ પહેલા સોશિયલ મીડિયામાં બાઈક પર સ્ટન્ટ કરતો વિડિયો અપલોડ થયેલ જેની માહિતી મળતા તાત્કાલિક યુવાન પાસે માફી મંગાવતી પોરબંદર જિલ્લા ટ્રાફિક પોલીસ

જુનાગઢ જીલ્લા જેલમાં બળાત્કાર અને પોસ્કોના આરોપમાં જેલમાં બંધ કાચા કામના ચાર કેદીએ આગવાનો પ્લાન અઠવાડિયા થી કરી રાખ્યો હતો. જે બેરેકમાં આ લોકો હતા તેમાં ટોટલ 29 કેદીઓ હતા. રાત્રિના 2 વાગ્યા આસપાસ ચારેય કેદી ઊભા થયા હતા અને કપડાં વડે જેલના સળિયા પહોળા કર્યા હતા. એક વ્યક્તિ નીકળી શકે એટલી જગ્યા થતા ચારેય નાશી ગયા હતા. પ્લાનિંગ મુજબ જેલરના બેરેક ઉપર તો પહોંચી ગયા હતા. પણ એસઆરપી જવાનની નજર ચાર ખાલી પથારી ઉપર પડતા તાત્કાલિક તમામ સ્ટાફને એલર્ટ કરી કેદી

છોટાઉદેપુર જિલ્લામાં વરસાદ વિરામ લેતા ખેડૂતો ખેતરમાં વાવણી કરવા માટે જોતરાયા છે.છોટાઉદેપુર જિલ્લામાં 15 દિવસ સુધી સતત વરસાદ પડતા ખેડૂતો ખેતરમાં જઈ શકતા ન હતા..ખેતરોની સફાઈ અને વાવણીની ચિંતા સતાવતી હતી વરસાદ વિરામ લેતા ખેડૂતોમાં ખુશી વ્યાપી છે. છોટાઉદેપુર જીલ્લાના છોટાઉદેપુર,નસવાડી,બોડેલી સંખેડા અને પાવી જેતપુર 6 તાલુકા આવેલા છે. તેમાં કપાસ મકાઈ તુવેર અને સોયાબીનનું વાવેતર કરવાની શરૂઆત ખેડૂતોએ કરી છે.

આજ રોજ હિરાસર એરપોર્ટ પરથી એક ફ્લાઇટે ઉડાન ભરી હતી. ઉડાન ભરતાની સાથે જ એન્જિન ફેઇલ થઇ જતાં ફ્લાઈટ ક્રેશ થઈ ગઈ હતી. જેને લઈને ભારે અફરાતફરી મચી ગઈ હતી. આ ઘટનામાં 17 લોકોને ઈજાઓ પહોંચી હતી. અંતમાં આ ઘટનામોકડ્રિલ હોવાનું જાહેર થતાં એરપોર્ટ પર ઉપસ્થિત તમામ લોકોએ રાહતનો શ્વાસ લીધો હતો.

ઉમરગામના તલવાડા હાઇવે પર કાળમુખી ટ્રકે મોપેડ ને અડફટે લઈ ટક્કર મારતા મહિલા ચાલકના માથાં પરથી ટાયર ફરી વળતા ઘટના સ્થળ પર મોત નિપજ્યું હતું.જ્યારે રોડ પર પડેલા પુત્ર અને પુત્રીની વચ્ચે થી ટ્રક પસાર થઈ જતા અદ્ભૂત બચાવ થયો હતો. ટ્રક ચાલક ટ્રક મૂકી ભાગી ગયો હતો.

ગાંધીનગરથી કેદારનાથ જઈ રહેલી ઈનોવા ગાડી અકસ્માતનો ભોગ બની છે. યુપીના મુઝફ્ફરનગરમાં, કારે કાબુ ગુમાવતા 20 ફૂટ ઊંચા ફ્લાયઓવર પરથી નીચે પડી ગઈ. અકસ્માતમાં 4 મિત્રોના ઘટનાસ્થળે જ મોત થયા. 1 ગંભીર રીતે ઘાયલ થયો છે.

વિસાવદર માં આમ આદમી પાર્ટી અને ભાજપ વચ્ચે હજુ ટકરાવ ચાલી રહી છે ત્યારે આમ આદમી પાર્ટી દ્વારા વિસાવદર ચૂંટણી બાદ કંઈક ભાજપ વિશે આવું કહેવાયું

છોટાઉદેપુર જિલ્લા માંથી પસાર થતા નેશનલ હાઈવે નબર 56 પર આવતા તમામ બ્રિજ જાણે પડવાના વાંકે જાણે ટકી રહ્યા છે. તમામ બ્રિજો પર તિરાડો અને પડેલા ખાડાને લઈ રાહદારીઓને ભારે હાલાકી ભોગવવાના વારો આવ્યો છે. પણ તંત્રને જાણે કોઈની કઈ પડી હોય તેમ લાગતું નથી. વધુમાં સ્થાનિક રાહદારીઓ અને આગેવાનોએ શું કહ્યું? આવો સાંભળીએ.

કડી છત્રાલ રોડ પર આવેલી UGVCL ની કચેરી ખાતે કડી શહેરની એક સોસાયટીમાં રહેતા ગ્રાહકે ગઈ તારીખ 29 જુન નાં રોજ સોસાયટી માં લાઈટ બંધ હોવાથી સાંજે કમ્પ્લેન કરવા ગયો હતો.જોકે ત્યારબાદ UGVCL નાં કર્મચારીએ તેને સવારે આવવાનું કહ્યું હતું.ગ્રાહક સવારે જતા તેમણે બેસવાનું કહેતા ગ્રાહક ગુસ્સે થઈ ગયો હતો.અને કર્મચારી નો વિડીયો બનાવી રજૂઆત કરી હતી.કર્મચારી ઉડાવ જવાબ આપ્યા હતા અને તે ઓફિસમાંથી બહાર નીકળી ગયા હતા.આમ ફરી એકવાર UGVCL ની લાલીયાવાડી સામે આવી હતી.