મોરબી જિલ્લાના મહિકા ગામમાં એક પરિવારના ત્રણ કૌટુંબિક ભાઈઓએ ઝેરી દવા ગટગટાવીને આપઘાતનો પ્રયાસ કર્યો છે. જેમાંથી 20 વર્ષિય યશનું હોસ્પિટલમાં સારવાર દરમિયાન મોત થયું છે. અહેવાલો મુજબ, ત્રણેય ભાઈઓની જમીનની આસપાસ ખનીજ માફિયાઓ ગેરકાયદેસર રીતે રેતીનું ખનન કરી રહ્યા હતા. જમીન લીઝ પર લેવા બાબતે માફિયાઓ ત્રણેય ભાઈઓને ત્રાસ, ધમકીઓ અને દબાણ કરતા હોવાથી તેમણે આપઘાતનો પ્રયાસ કર્યો છે.