રાજ્યમાં સસ્તા અનાજની દુકાનના વેપારીઓએ સરકારના નવા પરિપત્રનો વિરોધ કરતા 1 નવેમ્બરથી તમામ સસ્તા અનાજની દુકાનો અનિશ્ચિત સમય માટે બંધ રાખવાનો નિર્ણય કર્યો છે. વેપારીઓએ સ્પષ્ટ કર્યું છે કે, જ્યાં સુધી પરિપત્ર સંપૂર્ણપણે રદ્દ નહીં થાય ત્યાં સુધી આંદોલન ચાલુ રહેશે. નવા પરિપત્ર અનુસાર, વેપારીઓએ માલ ખરીદતી વખતે કમિટીના 9 સભ્યોની હાજરીમાં જ માલ ડિલિવરી લેવી પડશે.

ગુજરાત પર બે અલગ–અલગ હવામાનિક સિસ્ટમો સક્રિય હોવાથી દ્વારકાના દરિયામાં જોરદાર કરંટ અને ઊંચા મોજાઓ ઉછળી રહ્યા છે. જોકે, હાલમાં વાવાઝોડાની દિશા બદલાતા ગુજરાત પર ખતરો ટળ્યો છે. આ દરમિયાન દેવભૂમિ દ્વારકા જિલ્લાના ઓખા અને તલાયા બંદર પર ત્રણ નંબરનું સિગ્નલ લગાવાયું છે, જ્યારે માછીમારોને દરિયો ન ખેડવાની પણ સૂચનાઓ આપવામાં આવી છે.

રવિન્દ્ર જાડેજાની બહેન અને કોંગ્રેસ નેતા નયનાબા જાડેજાએ મંત્રી બનેલા રીવાબાની ₹97 કરોડની પ્રોપર્ટીને લઈને સવાલો ઉઠાવ્યા. નયનાબાએ કહ્યું, "₹97 કરોડની પ્રોપર્ટી બતાવી તે આશ્ચર્યની વાત છે. રિવાબાનાં માતા રેલવેમાં ક્લાર્ક હતા અને પિતા PGVCLમાં થાંભલા ખોદતા હતા.” વધુમાં તેમણે ઉમેર્યું, “બે-અઢી વર્ષમાં ₹97 કરોડની પ્રોપર્ટી થઈ છે તો હવે લોકોએ સમજવું કે, તેમના ધારાસભ્ય રોડપતિમાંથી કરોડપતિ કઇ રીતે થયા?”

ઉત્તર પ્રદેશના બહરાઇચમાં કૌડિયાલા નદીમાં બોટ પલટી જતાં 28 લોકો ડૂબ્યા. જેમાંથી 4 લોકોને બચાવી લેવામાં આવ્યા, જ્યારે 24 લોકો હજુ પણ લાપતા છે. બુધવારે સાંજે 6 વાગ્યે ઘણા લોકો બોટ દ્વારા ભરતપુર પરત ફરી રહ્યા હતા તે દરમિયાન નદીની વચ્ચે બોટ પલટી હતી. ઘટનાની જાણ થતાં SDRF, NDRF અને જિલ્લા વહીવટીતંત્રની ટીમોએ ઘટનાસ્થળે પહોંચી સર્ચ ઓપરેશન શરૂ કર્યું છે.

ઓલ ઈન્ડિયા સરાફા એસોસિએશનના જણાવ્યા અનુસાર, બુધવારે દિલ્હીમાં 99.9% અને 99.5% શુદ્ધતાવાળા સોનાનો ભાવ ₹2600-₹2600 વધીને ₹1,24,400/10 ગ્રામ અને ₹1,23,800/10 ગ્રામ થયો છે. દરમિયાન, ચાંદીનો ભાવ પણ ₹6,700 વધીને ₹1,51,700 કિલોગ્રામ થયો છે. વૈશ્વિક બજારમાં પણ સોનાનો ભાવ 1.95% વધીને $4,029.53/ઔંસ થયો છે. સ્પોટ સિલ્વર પણ $48.40/ઔંસ થઈ ગઈ છે.

ઉદ્યોગપતિ અને ચેમ્બર ઓફ કોમર્સના પૂર્વ પ્રમુખ આશિષ ગુજરાતી સાથે રાજસ્થાન હાઇવે પર ₹3 લાખથી વધુની લૂંટ થઈ. હાઈવે પર કારમાંથી ઉતરતા આશિષ ગુજરાતી પર બાઈકસવાર શખ્સોએ હુમલો કરી રોકડ રકમ અને ઘરેણાની લૂંટ ચલાવી હતી. આ મામલે ઉદ્યોગપતિએ રાજસ્થાન પોલીસમાં ફરિયાદ દાખલ કરાવી છે. ઉદ્યોગપતિ આશિષ પરિવાર અને મિત્રો સાથે રાજસ્થાન ફરવા જઈ રહ્યો હતો.

ગીરનારની પરિક્રમાને લઈ બુધવારે અનિલકુમાર રાણાવસીયાએ પત્રકાર પરિષદ યોજી. કલેકટર અનિલકુમાર રાણાવસીયાએ કહ્યું, વરસાદના કારણે પરીક્રમા રૂટના રસ્તાનું ધોવાણ થયું છે અને હાલમાં જંગલના રસ્તા પર જઈ શકાય તેવી પરિસ્થિતિ નથી. જિલ્લા કલેકટરે સુરક્ષા હેતુ વૃદ્ધો અને બાળકોને પરીક્રમા ટાળવા અપીલ કરી છે. હવે 31 ઓક્ટોબર બાદ લીલી પરિક્રમાને લઈ નિર્ણય લેવામાં આવશે.

સોના અને ચાંદીના ભાવમાં બુધવારે ₹2,600/10 ગ્રામ અને ₹6,700/કિલોનો વધારો થયો હતો. યુએસ ફેડરલ રિઝર્વની નીતિ જાહેરાત પહેલા સલામત સંપત્તિ તરીકે સોનાની માંગમાં નવી લહેર આવવાથી ભાવમાં વધારો થયો હતો. HDFC સિક્યોરિટીઝના વરિષ્ઠ વિશ્લેષક સૌમિલ ગાંધીના મતે, પશ્ચિમ એશિયા ક્ષેત્રમાં વધતા ભૂ-રાજકીય તણાવને કારણે સોનાની માંગમાં વધારો થયો હતો.

ટ્રેનમાં કથિત રીતે પર્સ ચોરાઈ ગયા બાદ એક મહિલા એસી કોચની બારી તોડી રહી હોવાનો એક વીડિયો સામે આવ્યો છે. જ્યારે એક શખ્સે પૂછ્યું, "તમારું પર્સ કોણ લઈ ગયું?", ત્યારે મહિલાએ જવાબ આપ્યો, "મને ખબર નથી...મને મારું પર્સ આપો, મારો મતલબ છે કે મને આપો...જલ્દી મારું પર્સ આપો." વીડિયોમાં મહિલાની બાજુમાં એક બાળક બેસેલું જોવા મળે છે.

મનોજ કુમારની 1977માં આવેલી ફિલ્મ 'શીરડી કે સાંઈ બાબા'માં સાંઈ બાબાની ભૂમિકા ભજવનાર અભિનેતા સુધીર દળવીની તબિયત લથડતાં તેમને લીલાવતી હોસ્પિટલમાં (મુંબઈ) દાખલ કરવામાં આવ્યા છે. 86 વર્ષીય આ અભિનેતા ગંભીર સેપ્સિસથી પીડાતા હોવાનું કહેવાય છે. તેમના પરિવારે ચાહકો અને ફિલ્મ જગતને તેમની સંભાળ માટે નાણાકીય સહાય માટે અપીલ કરી છે.

દિલ્હીમાં કૃત્રિમ વરસાદ બનાવવાના પ્રયાસો નિષ્ફળ ગયા છે. મંત્રી મનજિંદર સિંહ સિરસાએ ન્યૂઝ મીડિયાને જણાવ્યું હતું કે, એક જ ક્લાઉડ સીડિંગ ઓપરેશનમાં આશરે ₹30-35 લાખનો ખર્ચ થાય છે, જ્યારે 9-10 રાઉન્ડ ઓપરેશનમાં આશરે ₹3 કરોડનો ખર્ચ થાય છે. સિરસાના મતે, વાદળોમાં ભેજના અભાવના કારણે કૃત્રિમ વરસાદ નિષ્ફળ ગયો.

મહારાષ્ટ્રના ભૂતપૂર્વ મંત્રી બચ્ચુ કડ્ડુની આગેવાની હેઠળ ખેડૂતોએ નાગપુર-હૈદરાબાદ હાઇવે બ્લોક કરી દીધો, જેના કારણે 20 કિલોમીટર લાંબો ટ્રાફિક જામ થયો. ટ્રાફિક જામના કારણે થતી અસુવિધા અંગેના સમાચાર અહેવાલોની સ્વતઃ નોંધ લેતા બોમ્બે હાઇકોર્ટે કડ્ડુ અને તેમના સમર્થકોને રાષ્ટ્રીય હાઇવે 44 ખાલી કરવાનો આદેશ આપ્યો છે.

રોહિત શર્મા વનડે રેન્કિંગમાં ટોચ પર પહોંચનાર પાંચમો ભારતીય બેટ્સમેન બન્યો છે. રોહિત શર્મા પહેલા સચિન તેંડુલકર, એમએસ ધોની, વિરાટ કોહલી અને શુભમન ગિલ હતા. ઓસ્ટ્રેલિયા સામેની ત્રણ મેચની વનડે સિરિઝમાં 202 રન બનાવનાર રોહિત શર્મા હવે 781 રેટિંગ પોઈન્ટ સાથે રેન્કિંગમાં ટોચ પર પહોંચી ગયો છે.

બિહાર વિધાનસભા ચૂંટણીના પહેલા તબક્કાના મતદાન પહેલા બુધવારે આરજેડીએ વધુ 10 નેતાઓને પાર્ટીમાંથી હાંકી કાઢ્યા. આમાં એક વર્તમાન ધારાસભ્ય ફતેહ બહાદુર સિંહ, બે પૂર્વ ધારાસભ્યો અને એક મહિલા નેતાનો સમાવેશ થાય છે. આ પહેલા સોમવારે આરજેડીએ 27 નેતાઓને છ વર્ષ માટે પાર્ટીમાંથી હાંકી કાઢ્યા હતા.

ગત તારીખ-27મી ફેબ્રુઆરી 2020ના રોજ ઝઘડિયા તાલુકાના માલજીપુરા ગામમાં લગ્ન પ્રસંગે ડી.જે.માં રાકેશ ઠાકોર વસાવા અને તેનો મિત્ર નાચતા હતા તે સમયે નાચવા બાબતે કુંજન વસાવા દ્વારા રાકેશ વસાવાના મિત્રને લાફા ઝીકી તેના તે વચ્ચે છોડાવવા પડ્યા હતા જે બાદ રાકેશ વસાવા ફળિયામાં નવીન વસાવાના ઘરે ગયો હતો.જ્યાં તે ટીવી જોતો હતો તે દરમિયાન કુંજન વસાવાએ ચપ્પુ વડે રાકેશને છાતીના ભાગે હુમલો કરતા તેનું કરુણ મોત નીપજ્યું હતું.

નવસારીમાં હાઇવે નજીકથી મહિલાનો મૃતદે મળ્યો હોવાની ઘટના બની હતી. જોકે આ મૃતદેહ પ્રાથમિક રીતે જોતા દુષ્કર્મ બાદ હત્યા કરાય હોવાનું ચર્ચા રહ્યું હતું પરંતુ હજી પોલીસ તપાસ કર્યા બાદ સાચું કારણ સામે આવી શકે તેવી રીતે સંભાવના છે. આ સમગ્ર ઘટના અંગે જિલ્લાના નાયબ પોલીસ અધિક્ષક દ્વારા માહિતી આપવામાં આવી હતી.

લુણાવાડા નજીક ગતરોજ હિટ એન્ડ રનની ઘટના બની હતી, જેમાં બેફામ કારચાલકે બાઇકસવારને અનેક અંતર સુધી ઘસડયો હતો, ઘટનામાં બાઈકચાલકને ગંભીર ઇજાઓ પહોંચી હતી, જેનો વીડિયો સોશ્યલ મીડિયામાં વાયરલ થયો છે, ત્યારે આ વીડિયો ઉતારનાર અને ઘટનાના સૌપ્રથમ પ્રત્યક્ષદર્શી ગોધરા શહેરના હિમા નાથાણીએ પ્રતિક્રિયા આપી હતી, જેઓ રાજસ્થાનના શ્રી સાંવરિયા શેઠથી પરત આવી રહ્યા હતા ત્યારે આ ઘટના બની હતી.

હિંમતનગર તાલુકાના ગાંભોઈ વિસ્તારમાં ગેંગરેપ ની ઘટના બન્યા બાદ આરોપીની પોલીસે ઝડપી પાડ્યા છે જે બાબતે ડીવાયએસપી એકે પટેલે પ્રતિક્રિયા આપી હતી

દાહોદ શહેર સહિત જિલ્લામાં કમોસમી વરસાદને કારણે ખેડૂતોના પાકને થયેલ ભારે નુકસાન અંગે વળતરની માંગ સાથે દાહોદ તાલુકા કોંગ્રેસ સમિતિ દ્વારા પ્રાંત અધિકારીને આવેદપત્ર પાઠવ્યું..

સાબરકાંઠા જિલ્લાના મુખ્ય મથક હિંમતનગરના મહેતાપુરા વિસ્તારમાંથી એક ચોંકાવનારો અને શરમજનક વિડીયો સોશિયલ મીડિયા પર વાયરલ થતાં સમગ્ર પંથકમાં ખળભળાટ મચી ગયો છે. વિડીયોમાં સ્પષ્ટ જોઈ શકાય છે કે, બે વ્યક્તિઓ દ્વારા એક મહિલાને બેરહેમીથી માર મારવામાં આવી રહ્યો છે, જેણે કાયદાના શાસન અને નારી સુરક્ષાના દાવાઓને સખત પડકાર ફેંક્યો છે.

ખેડૂત મસીહા બની બેઠેલા ભાજપ અને આપના નેતાઓને લાલભાઈ કોટડીયાએ લીધા આડે હાથ અને ચેલેન્જ આપી કે તમારામાં તેવડ હોય તો પ્રતિજ્ઞા લિયો કે જ્યાં સુધી ખેડૂતોના દેવા માફ નહીં થાય ત્યાં સુધીACગાડીમાં નહીં બેસીએ કે એક વસ્ત્રય પેરી ફરશો તેવી પ્રતિજ્ઞા લ્યો અને પોતે પણ તે પ્રતિજ્ઞા લીધી હતી અને આપના ધારાસભ્ય ગોપાલ ઇટાલીયા પ્રવીણરામ રાજુ કરપડા ઈશુદાન ગઢવી સહિત આપ નેતા ઓ અને ભાજપના નેતાઓને લાલભાઈ કોટડીયા એ લીધા આડે હાથ વિડીયો સોશિયલ મીડિયામાં વાયરલ

રાજસ્થાનના બિકાનેરમાં કચરાપેટીમાંથી એક દિવસનું નવજાત શિશુ મળી આવ્યું. ત્યાંથી પસાર થતી એક મહિલાએ બાળકનો રડતો અવાજ સાંભળીને પોલીસને જાણ કરી હતી. હાલમાં બાળકને હોસ્પિટલમાં દાખલ કરવામાં આવ્યો છે અને તેની હાલત સ્થિર હોવાનું જાણવા મળ્યું છે. પોલીસ બાળકના પરિવારને શોધવા માટે સીસીટીવી ફૂટેજનો ઉપયોગ કરી રહી છે.

સુરેન્દ્રનગર જિલ્લા પોલીસ વડા ની સૂચનાથી લીમડી અને સુરનગર ડિવિઝનના ડીવાયએસપી ના માર્ગદર્શન હેઠળ સુરેન્દ્રનગર એ ડિવિઝન બી ડિવિઝન અને muli સાયલા પોલીસ મથકના કેર જેટલા હિસ્ટિસીટરોનું લીસ્ટ પોલીસ બતક માંથી જાહેર કરવામાં આવ્યું છે અને જિલ્લા પોલીસ વડા ની સૂચનાથી આ તમામ શખ્સો સામે સ્થાનિક પોલીસ દ્વારા દેખરેખ રાખી અને તેની પ્રવૃત્તિ અંગે જાણ સારું અને જિલ્લામાં કાયદો અને વ્યવસ્થા જળવાય તે માટે પોલીસમાં તકોને તેઓની ગતિવિધિ પર ધ્યાન રાખવા જણાવ્યું છે

જુનાગઢમાં 2 નવેમ્બરથી શરૂ થનારી ગિરનારની લીલી પરિક્રમા પહેલા કમોસમી વરસાદે વિઘ્ન ઊભું કર્યું છે. વરસાદને કારણે જંગલના 36 કિમી પરિક્રમા રૂટ પર કાદવ અને કિચડ છવાતા રસ્તાઓ ખરાબ બન્યા છે. વન વિભાગે અન્નક્ષેત્ર અને ઉતારા મંડળોને અપીલ કરી છે કે હાલ ભારે વાહનો જંગલ વિસ્તારમાં ન ચલાવે, કારણ કે ફસાવાની શક્યતા છે. સાથે જ વૃદ્ધો અને બાળકોને પરિક્રમા ટાળવાની વિનંતી કરવામાં આવી છે.

​સુરત જિલ્લાના માંડવી નજીક ગમખ્વાર માર્ગ અકસ્માત સર્જાતા ત્રણ યુવકોએ જીવ ગુમાવ્યા છે.માંડવી-આમલી ડેમ રોડ પર બે બાઇક સામસામે ધડાકાભેર અથડાતાં આ દુર્ઘટના બની હતી. વ્યારા ખાતે રહેતા બે મિત્રો હેતલ ચૌધરી અને હાર્દિક ચૌધરી માંડવીના આમલી ડેમ તરફ ફરવા જઈ રહ્યા હતા. ત્યારે માંડવી રોડ પર સામેથી આવતા અન્ય એક બાઇક સાથે તેમની બાઇક ધડાકાભેર અથડાઈ હતી.