જસદણની એમ.ડી. કહોર કોલેજમાં પરીક્ષા ખંડમાં વિદ્યાર્થીઓ મોબાઈલનો ઉપયોગ અને વાતો કરતા હોવાનો એક વીડિયો સોશિયલ મીડિયામાં સામે આવ્યો છે. સૌરાષ્ટ્ર યુનિવર્સિટીની પરીક્ષાના આ વીડિયો મામલે કુલપતિ ડૉ. નીલાંબરી દવેએ કહ્યું કે, “આ અંગે પરીક્ષા નિયામકને તપાસ સોંપવામાં આવી છે.” સોશિયલ મીડિયામાં વાઇરલ થયેલી રીલ્સમાં જસદણ સ્ટેટ, એમ.ડી. કહોર કોલેજ અને એક્ઝામ ટાઇમ તેવું લખેલું છે.