રાણી માતા સિરિકિટના અવસાન બાદ થાઇલેન્ડમાં રાષ્ટ્રીય શોક જાહેર કરવામાં આવ્યો છે. જેમાં સરકારી કર્મચારીઓને એક વર્ષ સુધી શોક પોશાક પહેરવાનો નિર્દેશ આપવામાં આવ્યો છે. સામાન્ય લોકોને પણ 90 દિવસ સુધી કાળા કે સફેદ કપડાં પહેરવાનો આગ્રહ કરવામાં આવ્યો છે. જેના કારણે બજારોમાં કાળા કપડાંની તીવ્ર અછત સર્જાઈ છે. માંગમાં વધારો થવાને કારણે કિંમતો બમણાથી વધુ થઈ ગઈ છે. સરકારે દુકાનદારોને નફાખોરી સામે ચેતવણી આપી છે.