વડોદરાની એમ. એસ. યુનિવર્સિટીની કેન્ટીનમાં ફૂડની ગુણવત્તાનું ચેકિંગ કરવા વિદ્યાર્થી સંગઠને માગ કરી છે. એનએસયુઆઇ ઉપ-પ્રમુખ સુઝાન લાડમેડે કહ્યું કે, "છાત્રોને ગુણવત્તાયુક્ત નાસ્તો અપાતો નથી. કેન્ટીનોમાં સાફ- સફાઇ પણ યોગ્ય રીતે કરાતી નથી." વધુમાં કહ્યું કે, યુનિવર્સિટી સત્તાધીશોને રજૂઆતો કરી હોવા છતાં કોઇ કાર્યવાહી કરાઈ નથી. જો કાર્યવાહી નહીં કરાય તો કોર્પોરેશનના ફૂડ વિભાગમાં ફરિયાદ કરવામાં આવશે.