વડોદરાના હરણી તળાવ દુર્ઘટના મામલે વડોદરાના તત્કાલીન મ્યુનિસિપલ કમિશનર દિલીપ રાણા સામે ડિસિપ્લિનરી પગલાં લેવા માટે અર્બન હાઉસિંગના સેક્રેટરીને ગુજરાત હાઈકોર્ટે આદેશ કર્યો છે. આ તપાસ આઈએએસ નિયમોના પરિપ્રેક્ષ્યમાં થશે. આ ઉપરાંત ગુજરાત હાઇકોર્ટે સવાલ કર્યો કે, કોન્ટ્રાકટર પાસે લાયકાત ના હોવાથી પહેલી વખત કોન્ટ્રેક્ટ નહોતો અપાયો તો બીજી વખત ફક્ત બે મહિનામાં તેઓ પાસે લાયકાત કેવી રીતે આવી ગઈ?