ಮುಸ್ಲಿಂ ಮೀಸಲಾತಿ ಸಂಬಂಧ ರಾಜ್ಯ BJP ಘಟಕ ಹಂಚಿಕೊಂಡಿದ್ದ ಆಕ್ಷೇಪಾರ್ಹ ಪೋಸ್ಟ್ ಅನ್ನು 'ಎಕ್ಸ್' ತೆಗೆದುಹಾಕಿದೆ. ಪೋಸ್ಟ್ ತೆಗೆದುಹಾಕುವಂತೆ ಚುನಾವಣಾ ಆಯೋಗ ಮಂಗಳವಾರ ಎಕ್ಸ್‌ಗೆ ಸೂಚಿಸಿತ್ತು. SC, ST ಮತ್ತು OBC ವೆಚ್ಚದಲ್ಲಿ ಮುಸ್ಲಿಮರನ್ನು ಕಾಂಗ್ರೆಸ್‌ ಓಲೈಸುತ್ತಿದೆ ಎಂದು ಬಿಂಬಿಸುವ ವಿಡಿಯೋವನ್ನು BJP ಪೋಸ್ಟ್‌ ಮಾಡಿತ್ತು. ವಿಡಿಯೋ ಮೂಲಕ BJP ಮುಸ್ಲಿಮರು ಹಾಗೂ ಪರಿಶಿಷ್ಟ ಜಾತಿ, ಪಂಗಡಗಳ ನಡುವೆ ದ್ವೇಷ, ವೈರತ್ವ ಹರಡುತ್ತಿದೆ ಎಂದು ಕಾಂಗ್ರೆಸ್ ದೂರು ನೀಡಿತ್ತು.