విడాకులు తీసుకున్న భార్యకు మధ్యంతర భరణం కింద రూ.80,000 చెల్లించాలని కోర్టు ఆదేశించడంతో తమిళనాడులోని కోయంబత్తూరుకు చెందిన 37 ఏళ్ల వ్యక్తి ఆ మొత్తాన్ని నాణేల రూపంలో చెల్లించడానికి ఫ్యామిలీ కోర్టుకు వచ్చాడు. 20 సంచులలో తెచ్చిన చిల్లర బదులు నోట్ల రూపంలో డిపాజిట్ చేయాలని న్యాయమూర్తి ఆయనను ఆదేశించారు. దీంతో అతను కోర్టు నుంచి ఆ సంచులను తీసుకెళ్లి కారులో పెడుతున్న వీడియో వైరల్‌గా మారింది.