సిద్దిపేట జిల్లా గాంధీనగర్‌లో గ్రామ పంచాయతీ ఎన్నికల వేళ యువత వారి ఇంటి ముందు ఫ్లెక్సీలను ఏర్పాటు చేసుకున్నారు. ‘'ఓటు.. రాజ్యాంగం కల్పించిన ప్రాథమిక హక్కు, ఆ ఓటుని మేము అమ్ముకోం. మా ఓటు విలువైనది. అమ్మబడదు,’’ అని అందులో రాశారు. ఓటు విలువను ప్రజలకు తెలియజేసేందుకే ఈ ఫ్లెక్సీలను ఏర్పాటు చేశామన్నారు. గ్రామంలో సర్పంచి అభ్యర్థులు ఎవరైనా డబ్బులు, మద్యం ఇస్తే తమ కుటుంబ సభ్యులెవరూ తీసుకోరని వెల్లడించారు.