ప్రపంచంలోనే అత్యంత వృద్ధురాలు, బ్రిటిష్ వ్యక్తి అయిన ఎథెల్ కాటర్‌హామ్ ఆగస్టు 21న తన 116వ పుట్టినరోజును జరుపుకున్నారు. ఇంగ్లాండ్‌కు చెందిన ఎథెల్ ఏప్రిల్ 30 నుంచి ఈ రికార్డును కలిగి ఉన్నారు. ఆమె 18 సంవత్సరాల వయసులో భారత్‌లో నివసించి బ్రిటిష్ కుటుంబంలో నానీగా ఉద్యోగం చేశారు. ఎథెల్ 110 ఏళ్ల వయసులో కొవిడ్ బారిన పడ్డారు. కరోనా నుంచి బయటపడ్డ అత్యంత వృద్ధ మహిళల్లో ఆమె కూడా ఒకరు కావడం గమనార్హం.