అమెరికాలోని చికాగోలో బుధవారం జరిగిన రోడ్డు ప్రమాదంలో ఖైరతాబాద్‌కు చెందిన మహమ్మద్‌ వాజిద్‌ మృతి చెందాడు. ఉన్నత చదువుల కోసం 4 ఏళ్ల క్రితం అమెరికా వెళ్లిన వాజిద్‌ పార్ట్‌ టైమ్‌ ఉద్యోగాలు చేస్తూనే విద్యాభ్యాసం కొనసాగించాడని స్థానికులు చెప్పారు. గతంలో కాంగ్రెస్‌ పార్టీ ఖైరతాబాద్‌ డివిజన్‌ యువజన నాయకుడిగా పని చేసిన వాజిద్‌, ప్రస్తుతం ఆ పార్టీ ఎన్‌ఆర్‌ఐ మైనారిటీ విభాగంలో కీలక పాత్ర పోషిస్తున్నాడు.