శ్రీ రామ జన్మభూమి అయిన అయోధ్య ఆలయంలో మంగళవారం ప్రధానమంత్రి నరేంద్ర మోదీ కాషాయ జెండాను ఎగరవేశారు. ఈ జెండాను గొప్పతనానికి చిహ్నంగా భావిస్తుంటారు. పురాతన కాలం నుంచి అసత్యంపై సత్యం సాధించిన విజయానికి ఈ జెండా చిహ్నమని పలువురు ఆధ్యాత్మిక వేత్తలు పేర్కొన్నారు. జెండాను చూసే వ్యక్తి మొత్తం ఆలయాన్ని సందర్శించినంత పుణ్యాన్ని పొందుతాడని మత గ్రంథాలు చెబుతున్నాయి.