గురువారం ఇంగ్లాండ్ మాజీ కెప్టెన్ జో రూట్ ఆస్ట్రేలియా గడ్డపై తొలిసారిగా సెంచరీ సాధించాడు. 34 ఏళ్ల ఈ ఆటగాడు గబ్బాలో జరిగిన రెండో యాషెస్ టెస్ట్ మ్యాచ్ మొదటి రోజు ఇంగ్లాండ్ తొలి ఇన్నింగ్స్‌లో 181 బంతుల్లో మూడు అంకెల మార్కును చేరుకున్నాడు. ఈ ఇన్నింగ్స్ కంటే ముందే ఆస్ట్రేలియాలో 46 ఇన్నింగ్స్‌లు ఆడిన రూట్‌.. అందులో ఒక్క శతకం కూడా సాధించలేకపోయాడు. తొలి రోజు ఆట ముగిసే సమయానికి రూట్‌ 135*తో ఉన్నాడు.