దిల్లీ నుంచి వడోదరకు ఎయిర్ ఇండియా విమానంలో ప్రయాణిస్తుండగా విమానంలో అందించిన అల్పాహారంలో ఉన్న ప్లాస్టిక్‌ ముక్కతో ఊపిరాడలేదని ఒక సీనియర్ జర్నలిస్ట్ తెలిపారు. శ్వాస తీసుకోవడంలో ఇబ్బంది పడుతున్నప్పటికీ, ల్యాండింగ్ ప్రోటోకాల్స్ ప్రకారం సిబ్బంది తన బాధను పట్టించుకోలేదన్నారు. ల్యాండింగ్ తర్వాత వస్తువును బయటకు తీసిన అనంతరం ప్రాణాలతో బయటపడినట్లు చెప్పారు. తన పట్ల సంస్థ సరిగా ప్రవర్తించలేదని పేర్కొన్నారు.