ప్రయాగ్‌రాజ్‌లోని మహా కుంభమేళాలో జరిగిన తొక్కిసలాటలో మృతుల కుటుంబాలకు యూపీ సీఎం యోగి ఆదిత్యనాథ్ రూ.25 లక్షల చొప్పున ఎక్స్‌గ్రేషియా ప్రకటించారు. అలాగే ఈ ఘటనపై త్రిసభ్య కమిటీతో న్యాయ విచారణకు ఆదేశించారు. ఈ ప్రమాదంలో ఆసుపత్రికి తరలించిన 90 మందిలో 30 మంది మరణించగా, 60 మంది చికిత్స పొందుతున్నారు. మృతులలో 25 మందిని గుర్తించామని, మరో ఐదుగురిని గుర్తించాల్సి ఉందని డీఐజీ తెలిపారు.