కర్నూలులోని డ్రెస్‌ సర్కిల్ షాపింగ్‌ మాల్‌ వద్ద ఓ పసివాడి ఒంటికి రంగుపూసి, గాంధీ వేషంతో భిక్షాటన చేయిస్తున్న వీడియో సోషల్‌ మీడియాలో వైరల్‌గా మారింది. ఎండలో బాలుడు కునికిపాట్లు పడుతున్న దృశ్యాలను ఓ వ్యక్తి వీడియో తీసి, కాపాడాలంటూ మంత్రి నారా లోకేశ్‌ను "ఎక్స్‌"లో కోరారు. బాలుడిని కొట్టి ఈ పని చేయిస్తున్నారని అతను పేర్కొన్నాడు. దీనిపై స్పందించిన మంత్రి, బాలుడిని సంరక్షించాలని అధికారులను ఆదేశించారు.