తెలంగాణలో గ్రామ పంచాయతీ ఎన్నికల రిజర్వేషన్లపై రాష్ట్ర ప్రభుత్వం శనివారం జీవో 46ను విడుదల చేసింది. సుప్రీంకోర్టు ఆదేశాల మేరకు సర్పంచ్‌, వార్డు సభ్యుల రిజర్వేషన్లు 50%కి మించకుండా మార్గదర్శకాలు జారీ చేసింది. వార్డు మెంబర్లకు 2024 కుల సర్వే ఆధారంగా, సర్పంచులకు 2011 జనాభా లెక్కల ఆధారంగా రిజర్వేషన్లు కల్పించింది. సర్పంచ్‌ పదవులకు రిజర్వేషన్లను RDOలు, వార్డు సభ్యుల రిజర్వేషన్లను MPDOలు ఖరారు చేస్తారు.