పాముకాటుకు విరుగుడుగా వాడే యాంటీవీనమ్‌ను గుర్రం రక్తం నుంచి సేకరించే ప్లాస్మాలోని యాంటీబాడీలతో తయారు చేస్తారు. దీనికోసం నిర్ణీత మోతాదులో పాము విషాన్ని గుర్రాలకు ఎక్కిస్తారు. విషాన్ని ఎదుర్కోవటానికి ఆ జంతువుల్లో యాంటీబాడీలు పుట్టుకొచ్చాక, దాని రక్తాన్ని సేకరించి అందులోని ప్లాస్మాను వేరుచేస్తారు. పాముకాటు విరుగుడుకు అవసరమైన వ్యాధి నిరోధక ప్లాస్మా గుర్రంలో మాత్రమే అత్యంత వేగంగా అభివృద్ధి చెందుతుంది.