గడిచిన 48 గంటల్లో దేశవ్యాప్తంగా దాదాపు 450 విమానాలను ఇండిగో రద్దు చేసింది. దీంతో ముంబై, ఢిల్లీ, బెంగళూరు, హైదరాబాద్ సహా అనేక నగరాల్లోని విమానాశ్రయాలలో గందరగోళ పరిస్థితి ఏర్పడింది. గురువారం ఇండిగో దాదాపు 300 విమానాలను రద్దు చేయగా, బుధవారం దాదాపు 150 విమానాలను రద్దు చేసింది. సాంకేతిక సమస్యలతోనే అంతరాయం ఏర్పడిందని ఎయిర్‌లైన్ పేర్కొంది. ఇండిగో నిత్యం దాదాపు 2300 విమాన సర్వీసులను నడుపుతోంది.