చైనాపై విధించే సుంకాల గడువును మరో 90 రోజులు పొడిగిస్తూ అమెరికా అధ్యక్షుడు ట్రంప్ ఉత్తర్వులు ఇచ్చారు. ఇది చైనా వస్తువులపై అమెరికా సుంకాలను 145%కి పెంచకుండా, అమెరికా వస్తువులపై చైనా సుంకాలను 125%కి పెంచకుండా ఆపింది. ప్రస్తుత ఆయా దేశాల సుంకాల రేట్లు వరుసగా 30%, 10% వద్ద ఉన్నాయి. చైనాతో వాణిజ్య ఒప్పందానికి తొలుత విధించిన 90 రోజుల గడువు మంగళవారం అర్ధరాత్రి ముగియనుండటంతో ట్రంప్‌ ఈ నిర్ణయం తీసుకున్నారు.