ఉక్రెయిన్‌ అధ్యక్షుడు వోలోడిమిర్‌ జెలెన్‌స్కీ సంసిద్ధంగా ఉంటే మాస్కోలో కలిసేందుకు తాను సిద్ధంగా ఉన్నానని రష్యా అధ్యక్షుడు వ్లాదిమిర్‌ పుతిన్‌ అన్నారు. ఎటువంటి ఒప్పందం కుదరకపోతే రష్యా పోరాడుతూనే ఉంటుందని ఆయన హెచ్చరించారు. అయితే ఈ ఆహ్వానంపై ఉక్రెయిన్‌ స్పందించలేదు. జెలెన్‌స్కీ, మాస్కోను ఒక వేదికగా అంగీకరించే అవకాశం లేదని విశ్లేషకులు అభిప్రాయపడుతున్నారు.