మేడ్చల్‌ జిల్లా పర్వతాపూర్‌ సమీపంలో బైక్‌, లారీ ఢీకొని 10వ తరగతి చదివే 14 ఏళ్ల తేజస్‌ చౌదరి అనే విద్యార్థి అక్కడికక్కడే మృతి చెందాడు. కాచివాని సింగారానికి చెందిన తేజస్‌ బైక్‌పై ట్యూషన్‌కు వెళ్లి వస్తుండగా ప్రమాదం జరిగిందని స్థానికులు తెలిపారు. లారీ డ్రైవర్‌ నిర్లక్ష్యం వల్లే ఈ ఘటన జరిగిందన్నారు. ఘటనా స్థలానికి చేరుకున్న మేడిపల్లి పోలీసులు ప్రమాదం జరిగిన తీరును పరిశీలించి కేసు నమోదు చేశారు.