ప్రముఖ సినీ దర్శకుడు శంకర్‌కు మద్రాస్ హైకోర్టు కీలక ఉపశమనం కల్పించింది. ‘ఎంథిరన్’(‘రోబో’) సినిమాకు సంబంధించిన ఆర్థిక అవకతవకల ఆరోపణలతో, ఎన్‌ఫోర్స్‌మెంట్ డైరెక్టరేట్ ఆయన ఆస్తులను స్తంభింపజేయాలని తీసుకున్న నిర్ణయంపై కోర్టు స్టే విధించింది. ఈ కేసును విచారించిన హైకోర్టు,ఈ విషయానికి సంబంధించిన ప్రైవేట్ ఫిర్యాదుపై ఇప్పటికే స్టే విధించింది. శంకర్ ఆస్తిని స్తంభింపజేయడం సమర్థనీయం కాదని కోర్టు పేర్కొంది.