డబ్బు ఆదాకి దశాబ్దాలుగా జపాన్‌లో ‘కకేబో’ అనే పద్ధతి ఉపయోగిస్తున్నారు. కకేబో అంటే ‘ఇంటి పద్దు పుస్తకం’ అని అర్థం. జాగ్రత్తగా ఖర్చు చేయడంతో పాటు వివిధ అవసరాలకు డబ్బు ఎలా కేటాయించాలో ఈ విధానం తెలియజేస్తుంది. ఇందులో భాగంగా ఖర్చులను అవసరాలు, కోరికలు, కల్చర్‌, అనుకోని ఖర్చులు అనే కేటగిరీలుగా విభజించి పుస్తకంలో రాసుకోవాలి. ఆపై పొదుపు లక్ష్యాన్ని నిర్దేశించుకుని, పురోగతిని సమీక్షించుకోవాలి.