MIS పథకం కింద తెలంగాణలో ఎండు మిర్చికి కేంద్ర వ్యవసాయ మంత్రిత్వ శాఖ క్వింటాలుకు రూ.10,374ను సేకరణ ధరగా నిర్ణయించిందని కేంద్ర మంత్రి కిషన్ రెడ్డి తెలిపారు. రైతులు తమ ఉత్పత్తులను నిర్ణీత ధర కంటే తక్కువకు బహిరంగ మార్కెట్‌లో విక్రయించవలసి వస్తే, కేంద్ర ప్రభుత్వం వారికి ఆ వ్యత్యాసాన్ని భర్తీ చేస్తుందని ఆయన వివరించారు. ఏప్రిల్‌ 4న కేంద్ర వ్యవసాయ మంత్రికి లేఖ రాయడంతో మిర్చికి మద్దతు ధర లభించిందన్నారు.