తెలంగాణలో తొలి మహిళా కమాండో బృందం "టీ శివంగి"ని మంత్రి సీతక్క ప్రారంభించారు. ఆదిలాబాద్‌లో పర్యటించిన మంత్రి ఆ జిల్లా విభాగాన్ని ప్రారంభించి, మిగతా అన్ని జిల్లాల్లోనూ మహిళా కమాండో బృందాలను ఏర్పాటు చేయాలని అధికారులను ఆదేశించారు. మహిళా పోలీసుల్లో ఔత్సాహికులైన వారికి 45 రోజులు కఠిన శిక్షణనిచ్చి ఈ కమాండో బృందాన్ని తయారుచేశారు. వీరికి ఆయుధాలు, టెక్నాలజీ సహా పలు అంశాలపై ట్రైనింగ్‌ ఇచ్చారు.