లోక్‌సభ ఉపఎన్నికల ట్రెండ్‌ల ప్రకారం, కాంగ్రెస్‌ నేత ప్రియాంక గాంధీ వాద్రా వయనాడ్‌లో ఆధిక్యంలో ఉన్నారు. సార్వత్రిక ఎన్నికల్లో వయనాడ్‌, రాయ్‌బరేలీ సీట్లలో గెలిచిన రాహుల్‌ గాంధీ, వయనాడ్‌ను వదులుకోవడంతో ఇక్కడ ఉప ఎన్నిక జరిగింది. ఈ స్థానం నుంచి ప్రత్యక్ష రాజకీయాల్లోకి ప్రియాంక గాంధీ తొలిసారి అడుగు పెట్టారు. ఇక్కడ సీపీఐ అభ్యర్థిగా సత్యన్‌ మొకేరి, బీజేపీ అభ్యర్థిగా నవ్య హరిదాస్‌ బరిలోకి దిగారు.