భారతీయ రైల్వే మంత్రిత్వ శాఖ తత్కాల్ టికెట్ బుకింగ్ సదుపాయంలో దుర్వినియోగాన్ని అరికట్టడానికి, భద్రతను పెంచడానికి ఒక కీలక నిర్ణయం తీసుకుంది. రిజర్వేషన్ కౌంటర్లలో బుక్ చేసే అన్ని తత్కాల్ టికెట్లకు త్వరలోనే తప్పనిసరిగా వన్ టైమ్ పాస్‌వర్డ్ (ఓటీపీ) వెరిఫికేషన్ విధానాన్ని ప్రవేశపెట్టనుంది. ఈ విధానం ద్వారా, టికెట్ బుకింగ్‌లలో అనధికార వ్యక్తుల ప్రమేయాన్ని తగ్గించాలని లక్ష్యంగా పెట్టుకుంది.