పార్వతీపురం మన్యం జిల్లా సీతానగరం మండలంలో 19 ఏళ్ల అనూష తన పెళ్లిచూపుల రోజునే గడ్డి మందు తాగి ప్రాణం తీసుకుంది. ఈ యువతి పెళ్లి ఖర్చుల కోసం వ్యవసాయ కూలీలైన ఆమె తల్లిదండ్రులు ఇల్లు, కొద్దిపాటి భూమి అమ్మేందుకు సిద్ధపడ్డారు. తన పెళ్లి కోసం నీడ, ఆధారం కోల్పోవద్దని ఆమె తల్లిదండ్రులను గట్టిగా వారించింది. అయినప్పటికీ పెళ్లిచూపులకు ఏర్పాట్లు చేయడంతో అనూష ఆత్మహత్య చేసుకుంది.