తమ మాజీ ప్రధాని షేక్ హసీనాను అప్పగించాలని బంగ్లాదేశ్ చేస్తున్న అభ్యర్థనను భారత్‌ పరిశీలిస్తోందని విదేశాంగ శాఖ ప్రతినిధి రణధీర్ జైస్వాల్ బుధవారం తెలిపారు. 2024 డిసెంబర్‌లో తొలిసారి ఈ అభ్యర్థన చేయగా, గతేడాది విద్యార్థి నిరసనకారుల హత్యలో హసీనా పాత్రకు మరణశిక్ష విధించిన అనంతరం వారి నుంచి మరోసారి ఈ డిమాండ్‌ వచ్చింది. నిరసనల మధ్య హసీనా 2024 ఆగస్టులో భారత్‌కు చేరుకున్నారు.