భారత సైన్యం చేపట్టిన 'ఆపరేషన్ సిందూర్' తర్వాత తలెత్తిన ఉద్రిక్త పరిస్థితుల నేపథ్యంలో దేశంలో నిత్యావసర వస్తువులు, ఆహార ధాన్యాల కొరత గురించి తప్పుడు పుకార్లు వ్యాప్తి చేస్తున్నారని కేంద్ర మంత్రి ప్రహ్లాద్ జోషి అన్నారు. దేశంలో తగినంత ఆహార నిల్వలు ఉన్నాయని పేర్కొన్నారు. "ఎవరైనా ఆహార ధాన్యాలను నిల్వ చేసినట్లు తేలితే, వారిపై నిత్యావసర వస్తువుల చట్టం కింద చర్యలు తీసుకుంటాం" అని ఆయన తెలిపారు.