1990ల్లో మిడిల్ ఈస్ట్‌లో జరిగిన ఒక పార్టీకి హాజరయ్యేందుకు అండర్ వరల్డ్ నుంచి వచ్చిన ఆహ్వానాన్ని తాను తిరస్కరించానని నటుడు అమీర్ ఖాన్ తెలిపారు. కొంతమంది అండర్ వరల్డ్ నుంచి తనను ఒప్పించేందుకు ప్రయత్నించారని, కానీ తాను నిరాకరించానని ఆయన చెప్పారు. "మీరు నన్ను కొట్టవచ్చు, నా చేతులు, కాళ్లు కట్టేసి, బలవంతంగా తీసుకెళ్లవచ్చు, కానీ నాంతట నేను రాను" అని చెప్పినట్లు పేర్కొన్నారు.