చేజారిపోయిన తన ఫోన్‌ను తిరిగి తీసుకోవడానికి ప్రయత్నించి, రాళ్ల మధ్య తలకిందులుగా ఇరుక్కుపోయిన ఓ మహిళను ఆస్ట్రేలియాలో రెస్క్యూ బృందం ప్రతినిధులు చాకచక్యంగా రక్షించారు. సదరు మహిళను బయటకు తీసేందుకు స్నేహితులు ప్రయత్నించి, విఫలమయ్యారు. దీంతో రెస్క్యూ సహాయం కోరగా, సంఘటనా స్థలానికి చేరుకున్న సిబ్బంది సుమారు 7 గంటల తర్వాత బాధిత మహిళను సురక్షితంగా బయటకు తీశారు. ఈ ఘటనలో మహిళకు స్వల్ప గాయాలయ్యాయి.