బంగ్లాదేశ్‌లోని నర్సింగ్‌డికి నైరుతి దిశలో 13 కి.మీ దూరంలో శుక్రవారం భూకంపం సంభవించింది. రిక్టర్‌ స్కేల్‌పై 5.6 గా తీవ్రత నమోదైంది. దీని కారణంగా బెంగాల్‌లోని పలు ప్రాంతాల్లో బలమైన ప్రకంపనలు సంభవించాయి. కోల్‌కతా, మాల్డా, కూచ్ బెహార్, నాడియా, దక్షిణ దినాజ్‌పూర్, సిలిగురిలోని ప్రాంతాల్లో ప్రజలు భయభ్రాంతులకు గురయ్యారు. చాలామంది భయంతో భవనాల నుంచి బయటికి పరుగులు తీశారు.