ఇటీవల బంగ్లాదేశ్‌లోని ఢాకాలో లాల్ చంద్ సోహాగ్ అనే స్క్రాప్ వ్యాపారిని దుండగులు కాంక్రీట్ ఇటుకలతో కొట్టి చంపారు. దీంతో శనివారం వందలాది మంది విద్యార్థులు రోడ్లపై నిరసనలు చేపట్టారు. సోహాగ్‌పై దాడి చేసిన వ్యక్తులు, కాంక్రీట్ ఇటుకలతో అతడిని కొట్టి చంపి, శరీరంపై నృత్యం చేస్తున్నట్లుగా ఉన్న ఓ వీడియో ఆన్‌లైన్‌లో బయటికి వచ్చింది. ఈ ఘటనకు సంబంధించి ఐదుగురిని పోలీసులు అరెస్టు చేశారు.