చైనాలోని బీజింగ్‌లో ఒక కీటకాల మ్యూజియంలోని కేఫ్‌ 'బొద్దింకల కాఫీ'ని విక్రయిస్తోంది. దీని ధర 45 యువాన్లు, అంటే భారత కరెన్సీలో సుమారు 570 రూపాయలు. ఈ కాఫీ రుచి కాస్త మాడినట్లుగా, కొద్దిగా పుల్లగా ఉంటుందని స్థానిక మీడియా కథనం 'ది కవర్' పేర్కొంది. బొద్దింకల పొడి రక్త ప్రసరణను మెరుగుపరచడంలో సహాయపడుతుందని, అధిక ప్రొటీన్లు ఉండే మీల్‌వార్మ్స్ రోగనిరోధక శక్తిని పెంచుతాయని చెబుతున్నారు.