చైనా అతిపెద్ద సైనిక కవాతు "విక్టరీ డే పరేడ్‌" సందర్భంగా జరిగిన భేటీలో రష్యా అధ్యక్షుడు వ్లాదిమిర్ పుతిన్ ఉత్తర కొరియా నేత కిమ్ జోంగ్-ఉన్‌ను రష్యాను సందర్శించాలని ఆహ్వానించారు. "మేం మీ కోసం ఎదురుచూస్తున్నాం, మా వద్దకు రండి" అని కిమ్‌తో పుతిన్ పేర్కొన్నారు. కాగా "రష్యాకు సహాయం అందించేందుకు తాను చేయగలిగినదంతా చేస్తాను" అని కిమ్‌ జవాబిచ్చారు. ఉక్రెయిన్ యుద్ధంలో ఉత్తర కొరియా దళాలు రష్యా తరపున పోరాడాయి.