హిమాచల్‌ ప్రదేశ్‌లోని మనాలిలో జిప్‌లైన్ చేస్తుండగా మహారాష్ట్ర నాగ్‌పూర్‌కు చెందిన త్రిష బిజ్వే అనే 12 ఏళ్ల బాలిక 30 అడుగుల ఎత్తు నుంచి పడి తీవ్రంగా గాయపడింది. ఈ సంఘటనకు సంబంధించిన వీడియో సోషల్ మీడియాలో కనిపించింది. మార్గమధ్యలో ఉండగా జిప్‌లైన్ తెగిపోవడంతో బాలిక భయంతో అరుస్తూ కింద ఉన్న రాళ్లమీద పడిపోయినట్లు వీడియోలో ఉంది. బాలిక కాలులో ఎముక విరిగిపోయిందని బాధిత కుటుంబ సభ్యులు తెలిపారు.